منتديات أبعاد أدبية - يمكن مع الايام نتعب وننسى .. !!

منتديات أبعاد أدبية (http://www.ab33ad.com/vb/index.php)

- أبعاد الشعر الشعبي (http://www.ab33ad.com/vb/forumdisplay.php?f=3)

- - يمكن مع الايام نتعب وننسى .. !! (http://www.ab33ad.com/vb/showthread.php?t=31112)

يمكن مع الايام نتعب وننسى .. !!

تحتاج الانفاس لـ حضورك..
ويحتاجك العمر ي انتي..

كنت التمس دفء في نورك..
ويضيع بردي اذا بنتي..

ياليلة الحلم وكسورك..
تجتاحني اليوم..لاهنتي.. !!

.
.

وتضيق الانفاس بـ احلامي ..
وتتساقط أحلام تلو أحلام .. !!

وتتزاحم افكار لـ / إقدامي ..
تبي تحرك بي الالهام .. !!

ياليلة الشعر وأوهامي ..
هي من تصور دفى الاوهام .. !!

الجرح يكبر مع أيامي ..
وكل يوم تصغر معي أيام .. !!
.
.
وتمر سنين ..
ويتساقط من أوراق الخريف اثنين ..
يشوفون البعاد اقرب ..
وتخذلهم بقايا أيدين .. !!
.
ويمر العام ..
وانا اتوسد .. ملامح من حزن أحلام .. !!
.
.

وتضيق الانفاس في صدري..
واحكي لـ روحي وانا بروحي..

كم ليلة ضقت يا عمري..
ماغير انا بس وجروحي.. !!
.
.
وتمر سنين ..
وانا المرمي على بابك الين الحين .. !!

وانا المرمي ..
على همي ..
وجرح يسكن اعماقي .. اشوفه /
باديٍ يدمي .. !!

انا المشتاق ..
على عشاق ..
يغنّيهم فراقٍ ما قدر يجمع بهم إعناق .. !!

انا مدري ..
عنا مدري ..
ولكن صدق ماحصلّت عن الي عني /
بيدري .. !!

على طاري الحنين وغيبة الغيّاب ياغايب ..
كثير اشياء تجمعنا والاكثر هي تفرقّنا .. !!

تعال وشوف بإيديني وش الي كنت لك جايب ..
تعال وخذ كل حاجه تجمعّنا .. تعلقّنا .. !!

.
.

أتهزني ذكرى غلا كائنٍ كان ..
يرسم ملامح غلطته في لياليه ..

جيته غلا يبرق بنظرات ولهاان ..
جيته وانا في غيبته بس اناديه ..

جيته ومعتبره معي كل الاوطان ..
جيته وشفت ان الوطن خان راعيه ..

كنت التمس له بعض الاعذار من شان ..
ما اكرهه ويّكّفي اني بخليه ..

ماني بقايل بأنه اليوم هو خان ..
بقول اكيد ان وقته الي لعب فيه .. !!

ماعاد له خاطر ولا عاد له شان ..
مثله مثل قارب رحل عن موانيه .. !!

ومثل الطموحٍ الي انقتل داخل انسـان ..
بنا بنا لين انهدم ما اهتنى فيـه .. !!

تعب وهو يبني ولابات ندمان ..
ورغم انهدامة مابنا ماسأل ليه ..

بنيت له في داخل القلب بنيـان ..
وياللاسف خان الوطن باع اراضيـه ..

تدري وش الي يجرح انسان يا انسان ؟؟
انه يضحي لقلب ما يعترف فيه .. !!!

.
.

تتساقط اوراق بـ عيوني..
وأقف واجمعّني لحالي..

وتمرني أيام بـ جفوني..
وأرسم لها الحزن في بالي..

تطيح الاحلام يا متوني..
ويطيح شاعر معي غالي..

.
.

حبيبتي تحملي كل الايام ..
يمكن مع الايام نتعب وننسى .. !!

.
.

احبك ايه ..
لكنّي مابي قربك ولا طاريه .. !!

[ الثلاثاء .. 29/8/2012]
07:15 صباحاً .. !!

:34:

ابوخلف ممطرحد الغرق نصوص عميقه وذات بعد شعري
انت بعد اخر واضافه لبعاد كن بخير ود ايه النقي

عمر الحزن فيك كعمر الخطى
أراه يتساقط على حرفك كالخريف أصفر اللون لا يتطاير سريعاً مع الرياح
نحن نخلق الحزن في نفوسنا لنكتب
نخلق الحب لنكتب
نخلق الفرح الوداع التعاسه الشقاء الفقر لنكتب

ولكن لكل شيء من هذه الأشياء إمتداد من ذواتنا
فنحن وإن كنا لا نعيشها قد نتعايشها لتكون منا

يا لحرفك*
يأخذنا إلى الوجع بلطف ويمسح منا بقايا الدمع
لنسكب دمعاً آخر*
خيالك رحب*
و نفسك في التنقل بين النظم والتفعيلة جميل
ومتابعتك بلا شك رائعة*

صح حرفك

كن بخير*

وتمر سنين ..
ويتساقط من أوراق الخريف اثنين ..
يشوفون البعاد اقرب ..
وتخذلهم بقايا أيدين .. !!

هذا النص أغاني تطرب لها الروح ..
جميل أنت حد الدهشة ..
لونت صباحي بأغنياتك العذبة ..

شكراً لروحك كثيراً ..

ود وورد ..

إصعد وارتقي ياعيسى لسماء الشعر
وامنحنا الإرتقاء معك من خلال قرائتنا لنصوصك الشعريه

على طاري الحنين وغيبة الغيّاب ياغايب ..
كثير اشياء تجمعنا والاكثر هي تفرقّنا .. !!

تعال وشوف بإيديني وش الي كنت لك جايب ..

..
هذا مانفتقده
العذوبه
مااجمل صباحي ياعيسى بحرفك المختلف وليس غريباً عليك
ان تنهمر ونروتي بهكذا شعر
يسعد صباحك

اقتباس:

المشاركة الأصلية كتبت بواسطة خلف المهيلان (المشاركة 818505)

ابوخلف ممطرحد الغرق نصوص عميقه وذات بعد شعري
انت بعد اخر واضافه لبعاد كن بخير ود ايه النقي

أهلاً بك يا خلف ..
حضرت فـ حضر الجمال يتباهى بك .. ممتن لك كثيراً يا عزيزي .. اهلاً اهلاً .. :34:

اقتباس:

المشاركة الأصلية كتبت بواسطة أروى التميمي (المشاركة 818551)

لا اعتقد بأنني سـ أجد على هذا الجمال رد .. !!!
اهلاً بك يا اروى .. :34: