في شفّته جمرٍ وانا بي كيّ
ولولا رموشه ذاب وجداني

هذاك من ربّى جماله غيّ
يقول: بعض الحسن (ربّاني)

ما يشبه إلّا طفل ابوه الضيّ
يجذب فراشة عمري الفاني

بخدوده الجنّة،، ولا له زيّ
تفّاحة آدم، وآدم الجاني

يشرب من عروق العطاشى ميّ
شف كيف جفّت بعده اغصاني

اشتاق له، والشوق ياااا هو سيّ
** من سيئاته، دمعة اعياني

ولا ذبول العود لكن حيّ
كنّي أموت ونوره احياني

هذاك من ربّى جماله شيّ
اظنّه انّه شيّ (ربّاني)