السلام عليكم ورحمة الله وبركاته ..
حبّاً ووداً لكم والله ول والدي ابو خالد .. الذي يأتي عتبه كالصاعقة ..
عذراً عذراً .. وكل عام وانتم بخير ..

نص أقدمه كما هو بكل تلقائيته كطفل يجثو حتى يصل لصدوركم الطيبة .

.
.
فوضى :

واذا يعني لفوك .. سهاد !
وإنت تمّر..بالذكرى !
شوارع .. أرصفه .. أبواب!
وجوه .. وآآخ " تستغفر " !
تسبّح .. تاره .. وتشكر!
يصير اللي نحب يهجر؟
.
.
أنا واقف .. مع الذكرى !
معي بالي وكثير أشياء !
أمر وكم يمّر الصمت !
وكم هو مُرّ هذا الصمت!
هنا .. كنّا !
هنا .. قلنا !
هنا إيدك تسولف لي .. وإنتي تحضني إيديني!
آخ .. آخ .. " واستغفر "
كئيب الشارع الصاخب !
كئيبه هذي .. الأضواء !
كئيبه هالوجوه اللي .. تمّر وماارحمت صدري!
.. واركل فكرتي .. وامشي!
تجين بكل وجهٍ .. مرّ !
وانا في حالة الفوضى .. جيوش بداخلى وجرحى !
زحام بداخلي .. ياما !
..
وأنا مابين هذا الليل .. وهذا الشمع ماهو ضوّ !
ماهو ضوّ .. حتى لوّ !
اذا هو يشتعل مني .. وضيّه عمر يشعلني!
ويصرخ منّه الوسواس .. تذّكَرني بذولا الناس!
وانا ناسي .. ؟
انا ناسي؟ لجل انسى !
يصير تمدي إنتِ .. الكاس؟
وهذا الكاس .. مو كاسي!
كذا بالله .. تجازيني ؟
.
.
يجاوبني .. آذان الله !
توضّى من همومك .. قِم !
تعّوذ من جراحك .. نِم !
ولاتبكي على من باع !
وهو نايم بدون أوجاع !
ويغفى الليل ..
يصحى الصبح !
ولكن ماينام الجرح !
تسبّح تاره .. وتشكر !
وتستغفر !
وتستغفر !

هنا صوتي /

http://youtu.be/469vnWJyMUU


🌹