اعيش الوقت بالذكرى تلف ذراعك ذراعي
 

نافذة الى من رحلوا ...ولحظات صمت على حالنا بعد رحيلهم,,,

[poem="font="simplified arabic,5,black,normal,normal" bkcolor="transparent" bkimage="" border="solid,4,black" type=1 line=1 align=center use=ex num="0,black""]على قافٍ يثير الخلق انا غنيت يامسعود=خذاني حرفك الباكي وزود نسبة اوجاعي
خذاني لعالم الموتى ازاور منقبر ملحود=اصافحهم واعانقهم واحدثهم عن اوضاعي
قضيت الحال في غربه اسافر والليالي سود=وليا مني نويت ارجع فقد اثاره الساعي
سنين وزايرٍ قبره المه لاغدا مهدود=ابلل قبره بدمعي في مغرابٍ ومطلاعي
اسج رجولي وقلبي احطه عندهم مفرود=اغادرهم على هوني وتفكيري لمرجاعي
اسامر ليلي لحالي واشوف اللي كلاه الدود=صحيح انه رحل لكن ! محله داخل اضلاعي
لو ان الغصن يتنكر وينسى طلعت العنفود=لو ان الورد يتحور ويصبح رمز من باعي
وحتى الفجر لايبسم ويصبح مطلعه نمرود=واشوف الكون متلفلف بحزنه والفرح ضاعي
انا والله متغير ولو كنتي امل مفقود=اعيش الوقت بالذكرى تلف ذراعك ذراعي
ياكم حبٍ بقى فتره ومات وصاحبه موجود=وكم عاشق غدا مايت وحبه دوم ينذاعي
جسم عنتر فنى والقبر جاته سافيات النود=ولكنه بقى عايش وذكره للملا شاعي
وذا وافي عطى شيمه وعد مالحقه منقود=على وضح النقا باقي عزيزٍ لادعا داعي
وعد لاارثيك ياقلبي عدد برقٍ قفته رعود=يلين الموت يلفيني ويكسر مركب شراعي[/poem]

الذكرى والحزن ..!
،،
،
بدر الحربي

عسى مرجاعك الجنه بعد عمرطويل


دمت بكل خير

رحم الله موتى المسلمين

وأطال الله في عمرك يابدر
























شعر وشعور


























دمت بخير

رحم الله موتى المسلمين أجمعين ..

لكأننا في مقبرة جماعية يا بدر إذ نرى ما نراه ..

شعورك فرار من هذا ..

عزائي لك لمفقودك الملحود و مفقودك الموجود ..

آلمتني فـ شكراً ..

حزن مرهق

شاهق الوجع

كم أنت شامخ الحضور

دمت بكل حب