|
شلون ياتي بهم ؟!
** ** جرجرته الخطاوي ؛ من مكان ؛ لمكان لين شاف الأماكـن عاويـا ذيبهـم افلت العقل في كفّ الخيـال بثـوان وراح يطرد رياح تحـرث شعيبهـم ناس كانوا له ؛ الما ؛ والغِذا ؛ والأمان وكانوا الأكسجين وكان راهي بهـم امتلا به سؤال مانطـق بـه لسـان ولا وجد له جواب حقّ يحكي بهـم مات فيه السؤال وعاش فيه احتقـان ضاقت ازرار صدره وانفرا جيبهـم غاص في غِبّة أحزانه وعـوّد ظمـان كل الأشيا جفافٍ مـن مشاريبهـم بيت طيـن تداعـى خاشـعٍ للهوان باقـيٍ بـه شمـوخ مـن محاريبهـم في شموخ النخيل اللي تعيـد اتّـزان فَيّ ؛ مالـه ظـلال بعـد تغريبهـم صارت النفس بور وهدّ سيل الحنـان واينعت حنظلة في صوت يدعي بهـم تركض خيول ؛ صدره مالجمها عنـان صافنات الجروح اللي تنـادي بهـم كان لا شي كاين/مثل ماشـي كـان فلسفة حزن ؛ مدري فقد ؛ سامي بهم ريح خنّ البخـور وبنّـة الزعفـران شمّها فـي مواقـد تفتقـد طيبهـم حَسّ نفسه إكذوبه ما مهرهـا بيـان وأنّه اللي تصوّر شـي مـن غيبهـم لين ضجّت ضلوعه ذكريات وأغـان وصوت ضحكٍ شفيف كان ياشي بهم حاول يعيد شي من فضـا العنفـوان لكن العنفـوان أقفـى يثـرّي بهـم ليت عاد القنا برعم مـن القحويـان قالها بوح صمته قبـل يبكـي بهـم عاود أدراج خطواتـه بليـا كيـان يسحب أقدام تتعثـر ويجنـي بهـم لو فرضنا جدل بانّه يعيـد الزمـان! ناس ذاك الزمان شلون ياتـي بهـم ؟ ** ** م.س. |
يامحمد رفقاً بنا من غيمك الماطر شعراً وحزناً وأبدعاً رفقنا بنا أغرقتنا يارجل |
بيت طين تداعى خاشعٍ للهوان
باقي به شموخ من محاريبهم ولازلت استمتع وانا اقرأ لك يامحمد ,,, دوما راقي ,, ودوما حروفكـ تبهرنـي صدقني رائع بماتحمله هذه الكلمه من مدلولات ,,, فشكرا لك يامحمد الشعـر ,,, احترامي ومودتي |
محمد
حُضُورُك مُخْتَلِف دَومَا قَادِر ُ ُ عَلى أنْ تُحَرّك راكِد الشّعْر مُمْطِر يَالغَالي |
أخي وشاعري : محمد السالم مساء الشعر والذكريات الطيبة كــ طيب روحك وأصلك ومعدنك . أي والله يا جميل : وشلون يا تي بهم ؟ سؤال محزن ومفاجيء يا محمد سامحك الله , هكذا أنت يامحمد , كتساؤلاتك .. تتخلل أرواحنا بروعة قصائدك بلا مقدمات . نسخة لكنوز الذائقة . |
يالله.. شلون ياتي بهم..؟ نبضك جابهم..وأحساسك ينادي وينهم..! نبضك وحسك ..ياالسمي ّ وطن.. والله وطن.. عاطر التحايا |
شلون ياتي بهم؟!
الله الله يالغالي السالم صح السانك ولاهنت ياطيب الرائع! التحيه والتقدير لك , |
.
. وانت كـ عادتك .. يامحمد .. لم يفلت منك الشعر ..! . . مبهج كـ انت تماماً .. . . كن بشعر .. . . تحاياي |
| الساعة الآن 09:41 PM |
Powered by vBulletin® Copyright ©2000 - 2024, Jelsoft Enterprises Ltd.