منتديات أبعاد أدبية

اقتباس:

المشاركة الأصلية كتبت بواسطة عبدالمجيد العِزّه (المشاركة 1171893)

السلام عليكم و رحمة الله و بركاته ,,

أخذتنا الأيامُ منّا و عنكم و كانت الذكرى محملةً بكم و عدنا لأبعادنا بكل محبة و شوق ..

و لكم :

استرح يا صاحبي ، جاك الصباح
خلّ طول البال لليل الطوييييل
،
استكن الحال و اللي جاي راح
شوفة عيونك و انا اهديه السبيل
،
قسَمك من الحظ في روس الرماح
وش تغطي من طعونك وش تشيل
،
و ْلا لحقك امن المتاعب و الجراح
غير حرفٍ ، لا حضر وقته صقيل
،
خذ حمولي و اترك اللي طاح .. طاح
ما اخبر قد طاح لي حملٍ ثقيل
،
افرد شعورك مثل فرد الجناح
روووح كنّك بآخر فصول الرحيل
،
المدى .. ابعد من حدود الرياح
و الصدر .. اوسع من بحور الخليل
،
ما وردت الا على العدّ القراح
عقب فتل عزومك و دبك و صهيل
،
وْ لا يليق بمثلك الشئ المتاح
و انت عمرك بين صعب و مستحيل
،
يوم كان العمر راحة و انشراح
كان لك ملحٍ على الجبهة يسيل
،
و غبنتك يوم استوى عودك و فاح
ما وصلك من القليل الا القلييييل
،
غبن فارس .. جرّدوه من السلاح
او كريمٍ .. جات له مدة بخيل
،
كل نارٍ نور في درب النجاح
و كل مرّ يمرّ ،، كنّه سلسبيل
،
إلبس آلامك على صدرك وشاح
و اغرس آمالك مثل غرس النخيل
،
التعب .. لا بد يقفاه ارتياح
و الصبر .. لا بد تلقى له حصيل
،
و استرح ،، جاك الفرج جاك الصباح
وْ لا بقى ليلٍ على صبحك طويل ..

..

هلا يا هلا

شفني اغني لرجعتك من ابياتك وقلوبنا لك

المدى .. ابعد من حدود الرياح
و الصدر .. اوسع من بحور الخليل

المدى .. ابعد من حدود الرياح
و الصدر .. اوسع من بحور الخليل

المدى .. ابعد من حدود الرياح
و الصدر .. اوسع من بحور الخليل

وصح لسانك يا شاعر