:: طــيــب خــوّه ::
 

[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جسرت من مـونه على طيب خـوّه=وأثـّرك ..لا خـوه ولا مونه الطيب
كم مرة ٍ دمحت بإسم المروّه=دام الرجل حفنة حقوق ومواجيب
مدري خطا نفسي وفاي وغلـوّه=والا خطا الضيفان طيب المعازيب
العيب كان الطيب يقفد علـوّه=ولا ظنتي تخفاك مواطن العيب
إلا انت ما ظنيت يرضى دنوّه=يقـنـع ويـرضى في حثال المشاريب
يمكن وضوحي بالزمان المشوّه=هـّدم بيوت الظن والشك والريب
وشفت التخاذل في لزومي نموّه=زلـّه وقلت أتفوق وإتعوّد أتصيب
أصـمّـل ومن تنوي على طيب سـوّه=وخطاك كـايـد يا قليل العذاريب
أثر الهقاوي نوب فعلاً .. أتــوّه=لكن يا حمل الطيب .. مابك تغاصيب
خيبة أمل بك يالصحيب المفــوّه=والصدمه بنوم العذر داخل الجيب
خيره وانا المشروه طفيت ضــوّه=جيتك بأمـّس الحاجه وشفتك اتغيب
يا عـّـلـك براحه وفي زود قــوّه=وااافي وأنا أوراقي بحاجه لترتيب
أحسن كـذا مافيه داعي أنــوّه=من غير لا شرهه ولامن مطاليب
تبقى معي صاحب بليا سموّه=من بين صف الربع والا الأصاحيب
جسرت من مـونـه ..عـلى طيب خـوّه=لو خابت الهقوه كسبت التجـاريب
[/poem]

رُؤيَة واضِحَة تَحْتَاجُها النّفُوس حَتّى تُدْرِك ُ مَعْنى الصّدَاقَة وكَيْف أنّ الرّجُل لايَنْفَي العَلاقَة عِنْد خَيْبَة الظّن ، ولَكِنّه يَضَع للنّاسِ مَراتِبا ً فِي نَفْسِه وهَذه ِ حِكْمَة ٌ أيْضَا ً

بدر الحنيف


وعتب يرتب الاصدقاء على سطور الصداقه


قلب يكتض بالشعر والاخلاص والوفاء


هو مايحس بجرح المقربين


وهو أنت من يملك من الصبحه مايغني عن من لايرى الضوء



صح قلبك ياشعر

الله يابدر
نص شاعري راقي
لاهنت على هذا النص الجميل
دمت بخير...