يمــه ضمــيــري مـــاهــو اليوم مسرور...!!!
 

اخواني الكل يعلم ان اصعب فراق فراق شرواكم من الرجال وهو من اصعب اللحظات التي تمر على الانسان في حياته بعد والديه ...قصيده كتبتها بعد غياب اخي الشاعر عبدالعزيز القثامي العتيبي.






[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]ياصاحبي جيتك وانا حيل مقهـور=مـن سبّـة غيابـك تزايـد عنايـا
دمعي تساقط والحزن صار محفور=في خافقٍ موجـود بيـن الحنايـا
ماني بقول اليوم ياصـاح مشكـور=ولانـي كريـمٍ مجـزلٍ بالعطايـا
ماغير حزنٍٍ صفه الوقت طابـور=سبب عناة القلب واعقـب رزايـا
حاولت اخبي دمعتي داخل السـور=عند الرجال وعند بعـض الصبايـا
واثر عيوني ينعكس وسطها نـور=في شوفته تسـرد علـوم وحكايـا
لو مانطقته قصتي داخـل الـدور=فكري فضحني عنـد كـل البرايـا
يقطع بي البيدا ويقطع بي ابحـور=ويقطع بـي اديـارٍ ويبعـد مدايـا
مايقطع افكاري سوى قـول بـدّور=وش فيك سارح ماتجـاوب ندايـا ..؟!
هذاك صوت أمي به القلب مسحور=صـوتٍ يدفينـي ويقطـع بـلايـا

واقول يمه خاطري صار مكسـور=عبدالعزيـز ابعـد وزود شقـايـا
ذاك الصديق اللي من الناس مخبور=نشّط براكيـن العنـا فـي حشايـا
صارت بيوته بين غيبات وحضور=والله تطاردنـي بـكـل القـرايـا
ماغير اهوجس وابعد الفكر وازور=أشعـار كاتبهـا رفـيـع البنـايـا
واذكر بيوتٍ مزنها حيل ممطـور=واذكر قصايد كـان فيهـا البدايـا
"كم جرح فيني داخل الصدر مقبور=يامـا بكيتـه باللـيـال الخفـايـا"
يمه ضميري ماهو اليوم مسـرور=لو كانـت البسمـة تعانـق شفايـا
مايجلي همومي من الظيم و الجور=ياكـود اسمـه والقصائـد هدايـا
نفسي يرجعني قبل عـدة شهـور=وقتي, واشوف الإسم يـم الزوايـا
ابيـات كاتبهـا بنيـة مـن النـور=نيـات حسنـه والنوايـا مطـايـا [/poem]

واثر عيوني ينعكس وسطها نـور
........ في شوفته تسـرد علـوم وحكايـا

:

يمه ضميري ماهو اليوم مسـرور
.......... لو كانـت البسمـة تعانـق شفايـا


إحساس صادق / جميل .. ممزوج بالحزن !
رائع يا بــدر

صح لسانك .. و يسعدك ربي


.

.
.
.
ولا شئَ أجمل منْ أن تكونَ الأخوة بهذا الشكل

والله ما تنلام ،،،

صح كلك وبيض الله وجهكـ

جمان..في حضورك وغيابك اردد شكرا لك يامطر وشكرا للقدر الذي جاء بك يوما..
دمتي بخير في مجيئك وغيابك
كوني بخير

نايف الحرف..صح بدنك يامورق دائما بالجمال..وجودك اتنفس حضوره

والأجمل منه وجودك هنا وفي كل مكان..تحيتي لقلبك الابيض ..وجنائن ورد لقلبك يانقي

قصيدة تحمل في ثناياها الدهشة !!

تقبل مروري المغلف بالتقدير