[poem=font="traditional arabic,6,green,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black"]
يقولون جده غير وآقول مكه خير=هنيّ الذي توّه بها ماخذ ٍ عمره
بداية دخول العشر الاولى (بشهر الخير)=وهوصايم ٍ يومه ومفطر على تمره
صلاة ٍ تضاعف , وأجر حجة , وجو ٍ غير=هذاك الذي في دنيته مغتنم عمره..!![/poem]
:

.

[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دخيل الله الرحمن من ضيقة الصدر =ومن كل هم ٍسود الايام يخفنّه
وانا عارف كل شي يجري قضا وقدر =ولي كاتبه ر ب البشـــــــــــــر مالنا عنه
رضينا بحكمه والله الله يابو بدر =بدرب ٍ يوصلني انا وانت للجنه
لكن قرب الدله مع الشاي لا خدر =وابي علمك علم ٍ ماهو علم ابن قنه
ترى الحبه السودا ومعها عسل سدر =شفا باذن رب الكون ماتشتكي منه
وحياة الفتى لابد فيها من الكدر =وكم غافل ٍ لوعات الايام صحنه
تمر السنين وساعة العمر في هدر=والانسان نبضات الثواني يعدنه
ودرب المعالي واضح ٍ كنه البدر =ولا كل رجال خطاويه يمشنه
وكم واحد ٍ يبغا يعبره ولا قدر =يحـــــاول يعبره لكن ارياه يعمنه
هذا أعوذ بالرحمن من وجهه الودر=ومن دروبه اللي للنهايه يودنه
وترى الراي الاقشر فيه نوع ٍ من الغدر=اذا كان راع الراي يغلب على ظنه
وترى كل واحد يحتمل منه مابدر =دليل الرجل عقله والاشوار يهدنه
واذا كنت ماتدري عن السالفة فدر =تدور الرحـــــا والفضل لله والمنه
وعن الوضع لا تسأل ترى الوضع في حدر=وبْعض اسأله تجلب عل قلبك الونه
مثل من ذبح صدام يامقتدى الصدر =وهو شامخ ٍ عجزت حكومات يقونه
ابي اسكّر الموضوع لو الجمل هدر =مصير الحوادث والليالي يهدنه
ومصيره يعرف الواقع المر لا( فدر ) =ومع الوقت صلفات الليالي ينسنه
ويبي يظهر الملاس ما يخفي القدر =وحنا عسانا نعرف ادغام بالغنه
ولو الناس تدري عن فضل ليلة القدر =ماشفت الاوادم باخر العشر منجنه
وانا ما اعمم لكن اقــــــــــــــول ما ندر =قليل الذي منا على منهج السنه[/poem]

:

.