|
[ ظلي .. وبعضٌ مني ]
خرابيط مذكرة شاعر عبيط يحوّل الصعب لبسيط يسكب لك البحر .. بمحيط اصدق سواليفه سراب يبني من الشعر .. الخراب وهذا التراب .. اللي كساه .. ساعة ولد .. قص الشريط وبدت تماثيل الحياه ممزوجه من طين .. ومياه منحوته في وجه الطريق غموض .. ماتعرف مداه الين تفهم .. هالخليط >>> |
* سياسه سياسه .. وكلٍ شايل فاسه يحطب في عقول الناس هذا مسويٍ فاهم وكن مافوق راسه .. راس وهذا يدعّي الحكمه .. نتائج سهرته والكاس وهذا ثاقب النظره .. يقول انه نزيه احساس واذا جينا لصدق القول ومهما هالكلام يطول خساسه بكل .. منابرهم من اصغرهم الى اكبرهم نجاسه في نجاسه في . . نجاسه >>> |
* لا اله الا الله .. وان محمد رسوله باروده .. وارماح وسيف وسهمٍ مبريٍّ عوده وحصانٍ ملجوم لفارس ينخى به عزه وجدوده يذكر به تاريخ الامه لصاح الصايح للفزعه يفزع له خاله او عمه ويفديهم روحه .. وبدمه يضرب فـ الصخر بجلموده باروده .. وارماح وسيف .. وسهمٍ مبريٍّ عوده وحصانٍ ملجوم لفارس ينخى به عزه وجدوده تخافه عدوانه وتهابه وتخافه وحوشٍ وذيابه لا يملك صاروخ وطياره ولا يملك مدفع دبابه بس له لابه و له .. ربعه تقبل عـ الموت الفزاعه تقبل بارواحٍ جزاعه تحمل بالدنيا جمله فيها كلمات معدوده تشهد بأن الله واحد وان محمد مرسوله وان محمد معبوده >>>> |
عساف .. عسى ماعليك خلاف كل ليل انا اشوفك ترقى على المشراف تنشد مواويلك .. ويسامرك ليلك كن السهر قارب واحزانك المجداف .. |
عساف .. عسى ماعليك اخلاف بكيّت هالمشراف .. حتى مناديلك ملّت مناديلك من دمعك الذراف تبكي وتشكي لك . . اللي خذا قلبك سرا ترك لك الليل الكفيف تشحذ من القمرا ضياء وترسم من البسمه خريف |
مسابقات مسابقات .. مسابقات .. مليت ياخي من الشعر.. بالله هات هات الريموت .. خلنا ندورلك قناة ..لاحلى الاغاني والطرب.. واجمل بنات .. دام السوالف مهزله في مهزله لجنة .. وتصويت .. ورسائل مرسله .. ولا نعرف اللي يحسم المسأله جمهور .. والا سالفة شاشه.. وشات ودفع الفلوس ياللي مرخصّة النفوس ماباقي من الشعر . الا الفتات الفتات الفتات |
قناديـــــــــــل .. ؛
؛..؛
× قنديلــ عيدكـ ... ؛ × [poem="font="simplified arabic,4,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]امن الوله مااقدّر = اصبر على قيدك كم لي وانا انطّر = اجمل مواعيدك سحابتك تمطّر = وتسوقها بيدك والريح لك تبذّر = ورد كسى جيدك من ريحته عطّر = هذا الفرح عيدك وصار الغصن اخضّر = ومالت عناقيدك توت وعنب .. بّسكّر = بأعتق تناهيدك امن الوله مااقدّر = اصبر على قيدك [/poem] . |
" ؛؛؛ " قنديلــ .. عتبــ .. "؛؛" "؛" . . عجاج صمتك .. ما حجب عن صوتك الشادي .. صداهـ .. الا من همــوم .. وتعب او هو زعل .. او هو عتب .. ليلك .. يسرمد من سراهـ .. مدري متى..؟ يطيح الحطب او تأكل النار الغضاهـ .. مدري متى ..؟ هذا الشتا .. يرحل ويتركنا وراهـ .. ويرجّع لصوتك .. دفاهـ .. يوقد شموع افراحنا واصير انا قنديل نور اشجان ليلك .. من ضياهـ : ترقص لها القمرا .. طرب وننسى العتب .. واجراحنا .. نزرع بأماكنها زهور لين الربيع اللي شذاه يرجّع لـ روحي .. الحياهـ .. . |
| الساعة الآن 07:29 AM |
Powered by vBulletin® Copyright ©2000 - 2024, Jelsoft Enterprises Ltd.