منتديات أبعاد أدبية - قلـب الشمـالي

منتديات أبعاد أدبية (http://www.ab33ad.com/vb/index.php)

- أبعاد الشعر الشعبي (http://www.ab33ad.com/vb/forumdisplay.php?f=3)

- - قلـب الشمـالي (http://www.ab33ad.com/vb/showthread.php?t=169)

قلـب الشمـالي

"

"

في خضمّ . الشوق والذكرى . وحزني . وارتحالي
______________ وانكساري , بين .. غاياتي .. والأيام ..البخيله

صحت يا أحلى ( تعاليلي ) .. تعالي لي .. تعالي
______________ لا . تخليني .. وانا ظميان .. والرحله .. طويله

والتفتّ .. ولا لقيت الاّ ..القصيد اللي .. سعى لي
______________ حرفي . اللي خابره .. لامن نخيته .. جاب حيله

من نخيت الحرف ( يوصفها ) تحيزم وانتخى لي
______________ فز لي .. فزة شجاعٍ .. فـزّعه .. شيخ .القبيله

قال لي غالي .. وتبشر بالطلب .. لو كان .غالي
______________ قلت له بيـتين .. للقلب الشقي .. تروي غليله

في هنوفٍ .. ترسم البسمه .. على سود الليالي
______________ ماتشبّه .. غير بالغزلان .. والخيل .. الأصيله

طاهره مثل النوايا .البيض .. في قلب الشمالي
______________ حالمه . مثل انعكاس .. النور في شط المسيله

من وقع في سحر نظرتها من اصحاب المعالي
______________ من سلم من سحر نظرتها من اصحاب الفضيله

كل حكمٍ غير حكم .. ( عيونها ) .. حكم انتقالي
______________ كل غايه غير شوف ( عيونها ) تصبح وسيله

زينها , أثبت بأن الزين .. اصلاً ( رأسمالي )
______________ وباحتكاره , أثبتت ان .. ( الشيوعيه ) هزيله

شكّلت في داخلي من حبها ( جيش انفصالي )
______________ ثار , واستولى على عرش الخفوق بظرف ليله

هاه .. ياحرفي علامك ؟ ليه ساكت ياحلالي ؟
______________ ليه , وش علمك بديت تخاف من وصف الجميله

قال دام وصوفها هذي فنا اعلنت اعتزالي
______________ ابك , هذي , وصفها ياشيخ ... حاجه مستحيله

لو تطل بحسنها الطاغي على القطب الشمالي
______________ كان من .. جمرة شفايفها ... غدى مثل المليله

:

:

مودتـي واحتـرامي للجميــع ,,

والله ماقريتها

بس الأول بصفحة خالد

فخر ورب البيت

راااجع

خالد العنزي ..

سلم قلبك على هالنص الفاخر

دمت مبدع ..

لك مني كل الود ..

متعب

الأخ الغالي سطام الصعب

تحرجني دائماً بكرمك الباذخ ,, لاعدمتك ياذوق
ولاعدمت الطيبين امثالك

مودتي واحترامي وكل الشكر كما تستحق

خالد

قريتها الف مرّه
وحفظتها عندي بمجلّد الافضلية
هي وغيرها كثير

أنت وشـ أنت .؟
تدري
لا زلت اقولها وعيدها مليون مرّه
أنت غير

همسهـ,,
قلتها أنت
بس
أنا اللي راح اقولها لك

الشعر بانواعه من الشعبي الى الشعر الفصيح
.............. ان ماخضع لك طز في هذا وطزين بهذاك

أبو يزيد

قـرأته لحد الثماله ودائماً أقرائها

ولكن في كل مرة هي جديدة علي لأنني لا أمل ماتكتبه أقسم بالذي جل جلاله

بأني عندما أقرأ لك ينشل تفكيري

خالد إنت بالقلب موقعك

أخي العزيز

شكراً على هذا الأبداع

أما أن يكون الشعر هكذا أو لايكون

دمت بخير وننتظر المزيد