منتديات أبعاد أدبية

منتديات أبعاد أدبية (http://www.ab33ad.com/vb/index.php)
-   أبعاد الشعر الشعبي (http://www.ab33ad.com/vb/forumdisplay.php?f=3)
-   -   زوغة بصر !! (http://www.ab33ad.com/vb/showthread.php?t=2592)

هجاج الوسوس 11-16-2006 11:37 PM

زوغة بصر !!
 
[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بأقلب الأوزان قلب=بألعن أبو القافيه
حنّ تحت الحدب قلب=والمدينه غافيه
من لوى اللين لصلب=ماني وأيا العافيه
بين نهب وبين سلب=تركض المتقافيه
تجلب الأجداث جلب=للقبور الطافيه
بس لآمن حن قلب=حلّ لعن القافيه[/POEM]
لحظه..لحظه




[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ذى كلام(ن) به بديت=قبل ياخلان ما أبدى
هرج..صفصفته ببيت=كنت بأبدابه..ولاأمدى؟!
فيه شعار أتكيت=وأتكيت الشعر..مبدى
أتناااسا..مانسيت=من حرق دمي..[/POEM]
ونبدى




[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عزالله إني نويت أثقل..ولاأمداني=الله لايجعل الخيره..بتأخيره
وأنشهد إنه حرق دمي..وسراني=لوإن قبل المساري..مالها سيره
سريت..والعقل,وأعقالي,ووجداني=في كف يمناي..للعارض وأساطيره
وش أعتذر به..الى من..راااح ينخاني=حتى يوقف..شعر راسي وتفكيره
خشف(ن)على الموت الأحمر..قام يحداني=دربه / نصايب,لحد,ليلة عزاء,طيره
ثيابي إن قال تكفى..صارت أكفاني=(مفقود..مفقود)من يمشي مشاويره
أدري وجيته وهويدري ولاقاني=والسالفه مابها سجده وتكييره!
تخمير عقلي,عطب قلبي,ضيا أعياني=سبت ضياعي..مآسآتي..رحا الحيره
جنووون,زوغة بصر,تسليط رباني=بلوى حياتي..حياتي من لها غيره
الى تهادى تقوووس سبعة ألواني=والأيت8..نقطة تلاقيها..بتخصيره
مرسوم..مرسوم..ماهو رسم سرياني=سبحان من صوّره..وأبدع بتصويره
ريان..ميّآس قد..وجيد مرجاني=عليه طاغ الجمال..مجير(ن) جيره
توووه..تنباء بتينه..عود رماني=والسمر..في مبسمه..في عزّ تجميره
عين أشقر(ن)..هدته..من كف سلماني=سطر..سطر صفقته..والباس تصخيره
تفريعته..عن جبين النور..وراني=وشلون..وجه القمر..عن قرب تنويره
لآأحتلني..وأحتواني..صدره الحاني=أحس بأحساس..يصعب حيل تصويره
لعب..لعبي..لعب..مدريد الأسباني=مافاد قلبي..خططه..وكثر تغييره
أضيع..وأرجع..وأدورني ولاألقاني=بالغاوي..اللي تركني من جماهيره
أنساه..أنامستعد..بشرط ينساني=أنسى..وهو مانساني..يالله الخيره
لوهو تميز..بعيبه / غيره/أغراني=ويل أحتلاله..ولافردوس تحريره
أبعد من المهد..وأقرب لي من أخواني=وأندر من الصدق..وأغرب من سبب غيره
(طوق الحمامه)..(ماجاء بالعشق)..(الأغاني)=لمسات(فان جوخ)..وترويقة (شكسبيره)
كل (الأماكن)..(شبيه الريح)..وأزماني=من شرق بغداد..حتى غرب أغاديره
هرجه..تسّلطن طرب..(كاظم وقباني)=وإلحاد(مرسيل)..في رعشة محاذيره
وأحساس(فيروز)..والألحان(رحباني)=والحزن..في(صوت الأرض)..وفي(مقاديره)
صمته..يفعّل..لخرسه..لجل تقراني=ويعتـّق الهرج..لين يطيب تخميره
منه (السلام عليكم)..طعمها ثاني=وشلووون..لآحنت..بقلبه..نواعيره
ماأقول(حافي قدم يرقص بشرياني)=أقول..لآدق رقمه..ترقص الديره
عدنان عدنان..لا..قحطان..قحطاني=هو وين يرجع..أنا أرجع..لعنبوا صيره[/POEM]

سلطان الدوسري 11-16-2006 11:49 PM

جنوووووووووووون ..

ليييييييه ما يزوغ البصر ؟؟؟

هجااااااااااج ... ليه الإحراااااااج ..

لي عودااااااات ..
.
.
احتراماتي

نايف السعدي 11-16-2006 11:53 PM

لا ابالغ اذا قلت أن هذا النص

من اجمل وأبهى وأحلى ما قرأت

كل الشكر

صالح مصلح الحربي 11-17-2006 01:28 AM

الجميل / هجاج الوسوس


نص باذخ الجمال ...وحضور بهي ....


صح قلبك / فكرك ....


كل الود

ثاني الدهمشي 11-17-2006 02:25 AM

هجااااااااااج

وربي انك مجنوووووووووون ..

صح لسانك لين ترضى ..


وثق انك كبير شعرا ً ..


سجل الاعجاب ..

نبراس المشعل 11-17-2006 10:29 AM

منتهى الشعر
يا هجاج .. منتهى الفن
دمت ..
بود ،،،

خالد صالح الحربي 11-17-2006 01:26 PM

*

جُنونك عَقْل ياهجّاج.
وطيشك قِمّة الأتزان..
فقط أكتب وأكتب وأكتب
وَ هُناااااااك أشطب.

أصيله المعمري 11-17-2006 08:19 PM

أتعلم




جميل حين يكون الانسان ممتلئ بالشعر

والأجمل إن كان هو الوسوس شعراً



صح لسانك ملايين ولا يسدن



دمت ودام مدادك


الساعة الآن 06:14 AM

Powered by vBulletin® Copyright ©2000 - 2024, Jelsoft Enterprises Ltd.