تبّاع المقفين... مضايقة اولى،،!!
 

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يا قلب تبّاع المقفّين.. دستور"="اصبر على ما جاك.. أجر ومثوبة
اركد مكانك لا تدور على النور"="النور عندك والدجى حطّ ثوبه
النور فرقا من تولاك بكسور"="والا الدجى يومك تجمّل عيوبه
يا ما زرعت وخاتمة زرعك بذور"="نفس البذور ونفس طبعٍ يشوبه
واثرك زرعت الحب في مهجةٍ بور"="والبور ما تنبت ولا ربع روبة
يا قلب وش بك معجزٍ كل دكتور"="منتب عليل وآهتـك كلّ نوبة
تكفى دخيلك لا تزيد الحشا جور"="الجور فيه اختال وافنى جنوبه
تكفى دخيلك ما بقى لي سوى السور"="والبيت جاك العلم ما فيه طوبة
ويش صار يعني لا جفى الصبح عصفور"="الله يسهل له عسيرة دروبه
كم غصن واغصان خْسروْ طير وطيور"="كم عاشقٍ عضّ البهام بنيوبه
منته بالاول لا .. ولانت اااخر الدور"="كم قبلك وبعدك فراقٍ حكوا به
كم واحدٍّ امسى مع القرب مسرور"="واصبح على طاري مُناك ابعدوا به
كم واحدٍ في حب ليلاه مشهور"="واصبح شهيرٍ في فراق مْحبوبه
كم واحدٍ فارق حبيبٍ كما الحور"="والحب فيما بينهم في لهوبه
والا انت عنّك ما رحل غير مغرور"="والظلم في أحشاه يلفح هبوبه
الواجب انّك من نواميس في سرور"="ومطارد المقفين تعلن غروبه
ويصير جاشك منتدى حجار وصخور"="والحزن عنه تصدّ لامن دعوا به
ما هو تسومه وتْدفـع فيه بخسور"="وتزيد تغرِق صاحبك في ذنوبه
يا قلب تكفى طيعني واسمع الشور"="انساه وانسْ تقول ما عنْه توبة
وياليل تكفى ساهرك حيل مكسور"="لا لا تزيد الكسر عوق وصعوبة[/POEM]