|
لولا القصايد وابدع البيت والقاف
أول مشاركة بالمتدى :15:
بسم الله الرحمن الرحيم لولا القصايد وابدع البيت والقاف واليا مشيت اجر صوت الهجيني كان الفواد من الولع يرجف ارجاف والجسم ناحِلْتَه صروف السنيني واغني بيوت الشعر فوق مشراف واسلي الخاطر بقافٍ متيني جابتْه شعارٍ شتيتين الاصناف والكل من عرفه يجيب السميني وبيوت من بدعي معاها الحشا هاف باحوال خلي وقلت يالله تعيني على حبيبٍ راح ما عاد ينشاف ما عاد اظنه يستخير ويجيني ما اظن نقدر نستميله وينلاف زين الحلايا في الهوى مستهيني حمر الثياب تزينه هي والاشناف وعيون خلي كل يومٍ تزيني وجهٍ مليح ومن صغيرين الاكتاف سبحان من سوى العذارى بطيني حتى لو اوصف ما توفيه الاوصاف صورتْه معقودة بحبل الوتيني ويجيك كرّاه البداوة والاعراف قومٍ على تاريخنا مجحفيني قلوبهم صلفة واحساسهم جاف مثل الجذوع اليابسة ما تليني قالوا على فن الشعر ظلم واجحاف وش نبتغي في هرجة الماضييني بدوٍ مربية الحوافر والاضلاف نهابةٍ ذباحةٍ جاهليني وانا جدودي من عريبين الاسلاف يوم البساطة بالغنم سارحيني قاموا على جوعٍ وناموا بلا لحاف واشعارهم شعرٍ جزيلٍ مبيني ما هو بهرجات السفاهة والاسفاف ومن بينهم يندار فنجال صيني والكيف دوره في مداهيل الاظراف وفي ذكر بعض ايام يندى جبيني واليوم رب الرزق وسع بالالطاف يالله شكرك يالقوي المتيني وياللي خذيت القلب وانزفته انزاف يا كم على روح الضغيّف تديني يا جادلٍ سلهام عينيك خطّاف في حبكم طحنا بفخوخ وكميني ما ترجع العشاق من عقب تنعاف حتى لوان احبابهم نادميني لو حبهم دافع ولو شوقهم داف اعرف ترى العشاق فيهم رزيني حبي شريف وما ورا حبي اهداف حب الشعر والقاف مغروس فيني واخص بيتٍ قلته بريم وخْشاف اخيل قلبي دار مظنون عيني واثريه قلبي للمحبين مصياف يمشون منه ويتركونيً حزيني ياللي على التفريق جيتوا بالالاف لا تزرعون الشوك في جال تيني يدي على فعل الوفا تسرف اسراف وتقصر عن فعول السماجة يديني ويالله تسليمك على جد الاشراف باعداد ما جر البعير الحنيني واعداد ما يغرف من البير غراف واعداد ما تعوي أسود العريني |
أهلًا بك يانايِف وبِهَذَا العطر الشعرِي الماطِر .
أنرت أبعادك وحتمًا بشوقٍ إلى إبداعاتك . كُل التقدير http://www.albrens.com/vb/uploaded/4563_1251393963.gif |
حيّاكَ الله
وسَلِمَ المِدادُ ودامَ شِعراً كما الدُرّ يا نوّاف أبعاد بِـ أبعادها وُدّاً وورداً تحيّيك يا طيّب |
شكرا على الإطراء الذي له الأثر الكبير في تحسين نفسيتي ^_^ يا أختي بلقيس وأختي رشا
|
حي هلا نايف مليار انرت وجداً القصيدة من الإبداع إلى الإمتاع قمة في السبك والحبك ما شاء الله .. وطول النفس عندك يشي بشاعر متمكن فلا تحرمنا من الدرر ياغالي مبدع ومافيك حيلة عاطر مودتي |
الشاعر نايف العنزي نورت أبعاد الأدب بوجودكَ
حملكَ الشعر إلينا لنسكن رياض من جمال الإلهام وإشراق كواكب من نور . |
حيا الله النايف بين اخوانه
قصيدة جميلة تغري بإنتظار القادم بشوق ياللي على التفريق جيتوا بالالاف لا تزرعون الشوك في جال تيني يدي على فعل الوفا تسرف اسراف وتقصر عن فعول السماجة يديني صح لسانك نايف العنزي |
*
ياللي على التفريق جيتوا بالالاف لا تزرعون الشوك في جال تيني وصفت اسوء مايمكن ان نصادفه | نصادقه . .. أهنئك على هالبيت والله يانايف اختصرت حكايا .. وعند البعض عٌمر . :34: وحياك الله :34: |
| الساعة الآن 08:41 AM |
Powered by vBulletin® Copyright ©2000 - 2024, Jelsoft Enterprises Ltd.