‏
.
مابكيت وقلت مُتعب إلا من هم السنين
‏ ......................... ولا ارتكيت بثقل همي إلا وأبغا لي متـن
‏وين راحوا من نبيهم .. صدق مات الطيبين
‏...................... هو صحيح ان الـ مشاعر جفت بفعل الزمن
‏ياشبابيك الأماني تفتحي الدرفة لـ مين
‏........................ إسدلي كل الستاير وأعلني الدعوة حـزن
‏وياالغيوم البيض مرّي وامطرينا دمع لين
‏ ........................ نغرق بشبر المواجع في كفوفه ننطحـن
إِبكي .. نبكي فالنهاية انتِ عين وحنا عين
‏........................... لو تشاركنا سوا كثر الوجع يمكن يكـن
‏‏عاتبيهم والطريق اللي رحل فيهم لـ وين
‏......................... يقطع أوهام المسافة بهقوة يجوز ونظـن
‏وأوقفي كنـّك يتيمة تدقّ باب المحسنين
‏........................ وأحرقي أعواد كبريت الأمل قبل الوسـن
‏يمكن بنوره تلاقي حـلم ضايـع من سنين
‏........................... ويمكن بناره تدفي ضلع من برده يـون
‏متعبيـن وكل خطوة تصيح فينا متعبيـن
‏........................ والوجيه الشاحبة تستهلك البسمة غبـن
‏ضاقت صدور الأوادم من صدود الراحلين
‏...................... مثل ما صدور المباني ضاقت بحزن المـدن
‏والشوارع كم شكت من ثقل ارصفة الحنين
‏.......................... كم عبر فيها غريب مضيّع دروب الوطـن
‏والحمام اللي بنى بـ هام المآذن عش طين
‏......................... هاجر يدور لـ حلمه أرض خضرا ما تمـن
‏كان لي خاطر بـ قلبـك يالأماني لاتجين
‏.......................... مابقا بصدري مكان .. إلا بكفيكِ انطعـن
كم سألتي تذكرين .. وتذكرين وتذكرين
‏......................... إيـه أذكر ، إيـه أحلم ، إيـه أشتاق وأحـن
‏إيه أَصرخ وين راحوا كل لحظة وكل حين
‏.......................... والصدى يدوي وتصبح كل اجزائي اذن
‏إيه أََبكي لين تنبت من عيوني لي يدين
‏.................... تحضن الباقي بروحي بعد ماخان الـ حضـن


أاحلام مؤجلة
snap//ahlaami2