منتديات أبعاد أدبية

المرحوم كان بـ يجيب اتنين شيبسي او اربعة كاراتيه

و اتنين فول على طعمية و الطُرشي عليه

كان بـ يجيب عشرين رغيف

دلوقتي لو ع الرصيف

تستخسر تِوَطّي عليه

كان بـ يجيب خمسة فينو

و الكيمو كونو لو عارفينه

و صاروخ بيبسي تُعُد ساعة بتخلَّص فيه

كان يرَكِبني المترو ولـ آخر الخَط

و اشربُّه شاي ع القهوة و سجاير فَرْط

و كُت تِدّيه للعَيّل كان يفرح بيه

دلوقتي من خيبته و حوستو

لا بـ يجيب لانشون ولا نستو

ولا حتى م الفرن باتيه

و العشرين منه بدولار

و ف الآخر يطْلَع حمار

يصَبَّح على مصر بيه

فريد ٢٧/٩/٢٠١٧