قصيدة (( الذيب ))
 

الشاعر الرائع / بدر الخالدي




قصيدة (( الذيب ))



http://www.halaup.com/up/uploads/88b8059026.jpg



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

البارحه والجوع مس الذيب يـوم انـه يعـوي =على سنـام طويـق والقمـره وراه بليتهـا
اخايلـه واقـول واعـزي لحالـك يالـقـوي =االلي تتقي في سمـان الفطـح لامـن جيتهـا
واللي باساميك يتقلدها الخـوي مـع الخـوي =والعـرب تبديـك التحايـا وانـت ماحييتـهـا
واسمك على النخوه يعد وكل روس (ن) تشتوي = والوجبـة الحيـه تعشاهـا وتتـرك ميتـهـا
الجوع لو يدفـع للمـوت الذحـاح المستـوي =حشمت نفسك عن عظـام الحرجـه وخليتهـا
ودامك طليق(ن) ماقهرك المعتـدي والمهتـوي =وخطاك مـن دون المغـازي مابعـد سجيتهـا
ياذيب ياذيب الخلا اللي ليلـك يـروح سـروي = مابيـن مرحـان الشواويـه ليـا عشيتـهـا
ياموجل(ن) قلب حضري ياموجل (ن) قلب بدوي =ياللـي تشيّـم خويـه الرجليـه ان خاويتهـا
عامل خوي الذيب في عصر الفوات المنطـوي =وقصتك فـآذان العـرب وليـا طـرت لبيتهـا
نحر ذلول (ن) من وصايفها شحمهـا مرتـوي =لعيون خوتـك الفريـده والبقـا فـي صيتهـا
ياذيـب يكوينـي قنيبـك لاتوحّيـتـه كــوي =على غشاش الكبـد والخطـوة عمـد رديتهـا
مدري غبى مدري ذكى مدري تسرع فوضـوي =لكن خطواتـي علـى الهيبـه ماقـد ضريتهـا
ياذيب عزك في زمان السيف من قبـل يهـوي =وقبـل زمـان العولمـه للنـاس وآتيكيتـهـا
وقبل يغيب المنطق الحسـي ويبقـى المعنـوي =والغيـرة تـوزع تجمّعهـا علـى تشتيتـهـا
وقبـل النوايـا المستقيمـة ماتعـاج وتلتـو ي =والناس تمشي في تعاملهـا حسـب توقيتهـا
ياذيب مدري كيف ابوصف حالتـك يالمنـزوي =والهاشميـه فـي طـرف عينـي ولا دنيتهـا
لاجيت ابرثي حالتـك ضـاع الكـلام اللغـوي =والمفـردات اللـي تجملنـي لـيـا عديتـهـا
والهاجس اللي كـل مافليـت حويـه ينحـوي =وافكاري اللـي تتعـب الخافـق ليـا هليتهـا
واخـاف لاتكمـل وينحـاك النزيـف الدمـوي =وابقى على قـول المثـل خميتهـا واخطيتهـا
ياذيب واقنب خل صوتـك يـدوي العالـم دوي =مـادام خانتـك الظـروف الله يخـرب بيتهـا[/poem]

واخـاف لاتكمـل وينحـاك النزيـف الدمـوي =وابقى على قـول المثـل خميتهـا واخطيتهـا



حنين



ذائقة عالية وجميل ان نبدء صباحاتنا بالشعر العذب




بالنسبة للكلمة الملون أعتقد أنها تخل بالوزن هذا والله أعلم




صباحك خير