|
الدروب !
الدروب الفارهة انا الليلة علشان اطعن الظلما بسيف النور ابنزف لين احس اني قتلت الخوف باعماقي وابغسل بالقلق ثوب الدقايق والمكان البور وابشعل للزوايا دفتري ... واصوّر احراقي عشان الخبط اللي يحسب انه رتب الطابور واوريه ان بالفوضى وبس .... ترتب الباقي هنا كن الشعور اللي يخالجني مهوب شعور تقول اني على بال الجنون تمرّ بي ساقي واشوف الصورة اللي شدني بروازها المكسور وهي من حقها تصبح سماي وتغري احداقي وضحكة جيت انسيها الممات وذاكرتها قبور اهجّيها الحياة ... بلا ملل ... وتموت باوراقي امد يديّ .. للغصن .. ويطير وينثني عصفور وامد يديّ للظل ويطير .... وتقفل اخلاقي وبنتٍ جت كأن الشارع اللي تحتها مخمور كأن اقدامها اكواب السهر للصبح والساقي تعدت من خلال الشاعر.. المتناثر .. المهجور تناديها الدروب الفارهة. عن شمس خفاقي وانا للحب ما اقدم عذر لو كنت انا معذور ولا الحل الوسط عمره يحلّ معقّد وثاقي ورى ذيك الوجيه الممحلة لي وجهي الممطور ويدين اطفال تعجن ضحكتي وتجفف ارهاقي بظل ارفض وداع الغايبين اللي نسو هالدور لجل يبقى بهم طعم الأمان وان كان له باقي والوّح للمسافة والأغاني والدم المهدور وكأني غربةٍ مستوطنة . بعيون عشاقي وانا اصعب ماعلي انهي حياتي كني الناطور على كرم الجروح اللي تدلّى داخل اعماقي ! |
الله الله
على هذه الإطالة يا نايف عوض أبيات ولا أجمل صور شعرية منظومة من شاعر محترف تقبل الود والترحيب والتحية :) |
نايف عوض
ترحيب بحرفك وبك بداية مضيئه ورتواء لذائقه نتمنى لك التوفيق دمت بكل الخير |
أهلا بك وألف مرحبا أيها الشاعر
أهلا بعطر الياسمين تحييك حرفا وإبداعا |
اقتباس:
والإشاده تشعر صاحبها بالتقصير لأن شاعراً بحجم هذا النايف قامه شعريه أعلى من كل الإشادات ـــــــــــــــــــــــــــــــــــــــــــــــ اليوم لغيابك شهر لكن إشتقت ،،،وعوّدت لدموع الرجا ماعرف ليش إلى أن تقول ولـ(ينشدوني ) ليش فيها تعلقت،،،،،عجزت اجاوبهم تعلقت بك (ليش) من يصنع هكذا جنون شعري سواك نايف عوض ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ سود الايام فقر وعشق واماني،،وانا احبك ولا اطلب شي واتمنى يمكن الله يفرجها على شاني،،،،أو على شان يرفع ها لحزن عنا ـــــــــــــــــــــــــــــــــــــــــــــ ياأخي أنت ممن يتجاوز حدّ الجنون شعراً لايموت أبدا ــــــــــــــــــــــــــــــــــــــــــــــــــ ــــــــــــــــــــ نايف عوض أسم من أعذب واجمل وأروع الأسماء الشعرية في الساحة الشعريه أسم لايحتاج للتعريف أبداً نايف عوض شاعر يكتبه الشعر وليس العكس (أعذر تقصيري يانايف فهمها كتبت عنك لن أوفيك حقك أيها الفريد شعراً) |
نايف عوض
وحضور يشبه النور رائع رائع رائع تقديري |
صح السانك ولاهنت يالغالي نايف التحية والتقدبر , |
ورى ذيك الوجيه الممحلة لي وجهي الممطور
ويدين اطفال تعجن ضحكتي وتجفف ارهاقي الله شعر يستحق الإحتفاء شعر راقي وعذب كل التقدير يانايف |
| الساعة الآن 01:11 AM |
Powered by vBulletin® Copyright ©2000 - 2024, Jelsoft Enterprises Ltd.