كنّ نفسك عن تفاصيلي لهَت ؟!
 

بين أناملك السخـيه بالحــــروف
……….ذابت عطور القــوافي وانتـــهَــت

وابتدى حلم المسافر بالوقـــوف
………. بــآخـر دروبك ,, وعينه اشتـهَــت

أشتهت تلقاك ياعذب الوصــوف
………. يوم ضمّت طيفك الغـــالي زهَت

غمّض عيونك وكنّك مـا تشــوف
………. عـيـنـي اللي كل ماشفتك سهَـت

وْداري النظرات بأطراف الكفوف
………. كنّ نفسك عن تفاصيــلي لـهَـــت

اعتبرني ظــرف عـابر م الظــروف
………. اعتبرني لــون فــي عينك بهَــت

كم مليت القلب من لقياك خوف
………. كم نهيت العين عنّك مـــا انتهَت

لين اصبحت بلقى عيونك شغوف
………. لين قيمة حــبّــك بقــلبي رهَــت

يآخر دروبي ترى بعض الحـــروف
………. تختلف لو بالمعاني تشــــابهَــت

وسلامتكم
19/8/2021

جميل جميل جميل جميييل
هنا تفاصيل
هنا ربط لصور "متعوب" عليه.
هنا تجاوز ما يحدث.
هنا قصيدة هنا قصيدة هنا قصيدة.
لا قوافي محشورة لتكمل الوزن
لا شيء يقود معنى معتسف
جميل فعلا.

هذا الكم من الضوء
لا بد لنا ان نتأمله كثيرا ونتعلم منه
في انتظار هذه الاناقه دائما

تفاصيل منسية
صح لسانك مليون