منتديات أبعاد أدبية

السلام عليكم ورحمة الله وبركاته

فيني شعر كلِّ مـَ احْتجته يجينـي .. يجـي
مير البلا احْيان لا جاني .. يجينـي شحيـح
http://www.shathaaya.com/vb/images/smilies/i.gif

[ خذني ]

يـَ الفقد تدري وش اللي في عروقي أشيل ؟
..................... دعوات لـُ امِّي وأخوي اللي توفوا سـوى

وْتدري وش اللي كسبته من غياب الخليـل
..................... رجَّال لو تنطـوي دنيـاه بـه مـَ انطـوى

والله لـو تـرأف بْحالـي لا جيتـك نحيـل
..................... ما كان ذيب المفارق في ضلوعـي عـوى

ثقيـل ! لا والله إلَّا فـوق فـوق الثقـيـل
..................... بعيد ! إي والله ابعـد مـن حـدود النـوى

ماني بقايل أنا الاطـول ..واخبـرك طويـل
..................... لكن بقول: إني الأعــظم.. ولا لـك لـوى

مليت اسافر وانـا لا درب وْصبـر ٍ جميـل
..................... مليت غربـة وانـا الترحــال منِّـي روى

خذني مدام اللقا باللـي ارْحلـوا مستحيـل
..................... ما عدت احسّ بْوجودي يـا سبيـع الثـوى

بين العنا وبين صدق اللـي أبيهـم رحيـل
..................... وبين الغلا وبين كذب اللي تبينـي هـوااااااا

.
.
ناصر حطاب الدهمشي