بيتك
 

البيت عامر ينتظر تسكنينه
اسال انا نفسي متى تدخلينه

البيت جاهز من جميع النواحي
مقفول بابه ينتظر تفتحينه

بفضل تصاميم الزمان العجيبه
صممت بيتك لو تزايد حنينه

كن الجدار اللي فبيتك اشوفه
دمعه يهل وزايدن في ونينه

كنه يعرفك يوم قلبي جهلكي
اسمك ترى في داخله تشعرينه

سقفه وبيبانه وسيبه وجاره
يصرخ بصوتن واحدن تسمعينه

ينده ولا حوله احد غير قلبي
قلبي جهل اسمك ووينك ووينه

بيتك عرف اسمك وكاتب حروفه
وسط الورود اللي على الباب زينه

اسكن انا في وسط بيتك لحالي
احلم بقربك لو حياتي حزينه

امنع جميع الناس تلفي عليه
تارك همومي وسط صدري دفينه

ان كان بيتك يحسبونه بضيقه
بيتك اشوفه في عيوني مدينه






بقلمي
عبدالله التميمي

مبدع وأكثر
وأهلا بك في ابعاد