ذيب السهر
 

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]غنّ ياذيب السهر جاك الهجاد = العشا الليلة من الهاجس قصيد
هاجس(ن) في كل مايطري تراد = بين بيد وبين قيد وبين عيد
عين تجمع دمع لايام العياد = وعين تجمع ضحك للدمع الزهيد
عاد قلت العيد عيد الله وعاد = عيد جرح وعيد لاحبابي سعيد
صاحبي لاهدّك الليل وتماد = لاتضيق وكل خلق الله عبيد
كان صدرك ضاق من ( بانت سعاد ) = فال عينك ليل للفجر البعيد
ولو تكنّ الدمع بالطرف الجواد = ماتهيد ولا تفيد وتستفيد
فكّ صدرك مابقى فيها حياد = دامها للموت ماعنها محيد
صاحبي من منطلق حكم العباد = عطني المجمل وانا اعطيك المفيد
من متى ملّ اللسان من الوكاد = ومن متى طلع النخل ملّ الجريد
ومن متى وسهيل بيديه البراد = ومن متى والجدي للرمضا يعيد
مازرعت الحلم من شان الحصاد = ولا سقيت الزرع لو طلعه نضيد
ومن حرث جمر الشقا تحت الرماد = قال كيف الحال ياعبدالحميد
قلت كان الحلم يرعاه الجراد = ماسلم بضلوعي الجردا وريد
لاتقول الشعر للبندق زناد = ولا تشبّ النار من فوق الجليد
خاب ظن وظن من ظن استفاد = وخاب راي وراي من سلطة سديد
من متى حلم الدول خانت أُحاد = ومن متى والشعر للدنيا رصيد
قل متى المسلم مع المسلم تواد = وقل وش اللي عقّب الجد لحفيد
وقل معي كانك بشر ماانت بجماد = ولا انت عباسي لهارون الرشيد
من عطا للغرب في باب البلاد = قبل لوم اهل البلاده للبليد
إيه جت من غاد يابغداد غاد = بس من يجمع ضديد(ن) مع ضديد
من يقول الشرق وسط الغرب باد = قال اعرف الغرب للمشرق يبيد
ومن عرف فرق البياض من السواد = قال اعرف النار من لين الحديد
ومن عرف كسرى على هالفرس ساد = عارف(ن) قيصر على اهل الروم سيد
ومن دفن بالريح إرم ذات العماد = له قدر يفعل بخلقه مايريد
طارقات الليل من باب النكاد = علم غيب وعقد للصابر فريد
صاحبي كانك تهيم بكل واد = باد غيرك وانت لك باكر يبيد
صاحبي غنّيت من ذيب الهجاد = والعشا الليلة من ضلوعي قصيد[/poem]

والعشاء الليلة من الضلوعك أكبر من القصيد يا عبدالحميد


أنت هنا مدينة مترامية الأطراف


والله أنك تنغبط على هذه الملكة


تقبل ودي أيها المبهر

خاب ظن وظن من ظن استفاد
00000000 وخاب راي وراي من سلطة سديد
قل متى المسلم مع المسلم تواد
00000000وقل وش اللي عقّب الجد لحفيد
ومن دفن بالريح إرم ذات العماد
00000000 له قدر يفعل بخلقه مايريد
طارقات الليل من باب النكاد
00000000علم غيب وعقد للصابر فريد
صاحبي كانك تهيم بكل واد
00000000 باد غيرك وانت لك باكر يبيد
صاحبي غنّيت من ذيب الهجاد
00000000 والعشا الليلة من ضلوعي قصيد

0
0
0

عبدالحميد ناحي ..وليمة عشاء تكفي لإسبوع قادم ..
نص مبهر / ومن خلفه ُ عقل ٌ يقظ ..

مبدع واكثر من ذلك بكثيـــر ..
عبدالحميد هُناك شعراء أجدني أسابق نفسي لقراءة نصوصهم .. وأقسم أنَّك منهم ..


تحيّتي
0
0
0أخوك
0
0
ناصر حطاب العنزي