وجه سافل
الصبر علمني
اجامل مع الناس وعلمني التطنيش فن التجاهل .. وعلمني ان الوقت لو زان ينحاس وعلمني ان الهم تحصيل حاصل .. ما كنت ادوّر عن خفى كل هلاّس ولاني من اللّي يبتدون المشاكل .. عزيز نفس وعزتي ماله قياس لا شفت ماعافت بترت التواصل .. لا تندفع واحذر تغامر بالانفاس مافيهم اللي لو تطيح يتفاعل .. انا مجرب بالبشر كل الاجناس اطيبهم اللي لا دعيته تغافل .. اصبر على دنياك ياطيب الساس تبي تمر من العجايب ؟ قوافل .. وتبي تورّيك الليالي والاتعاس حقيقة الايام والوقت عاجل .. الصبر علمني اعدّي ولاباس وعلمني الإنصات في وجه (سافل) عبدالله العتيبي |
حين تصل الروح الى مرحلة الاشباع في تلك الحياة
ترى الوجوه على حقيقتها وتمتلك من الصبر أنضجة سلمت يمناك شاعرنا المبدع \ عبدالله العتيبي مودتي والياسمين \..:34: |
سلمت روحك ياسيرين الجمال
كوني بخير |
تحريك الساكن من الذائقة بهجمةٍ جزلة / حكيمة
[احتراف]~ حين يكون وُجهتي الإرتواء من الشعر أبحث عن اسمك في قائمة من أثق بحرفهم دمت للشعر ودمتَ شعرا :icon20: |
لا تندفع واحذر
تغامر بالانفاس مافيهم اللي لو تطيح يتفاعل .. انا مجرب بالبشر كل الاجناس اطيبهم اللي لا دعيته تغافل .. اصبر على دنياك ياطيب الساس تبي تمر من العجايب ؟ قوافل .. صح لسانك شاعرنا سلاسه وحكمه وبلاغه لمثل هذا يكتب الشعر |
سهل ممتنع..
رائع بكل ما تعني الكلمه 🌹🌹 |
اصبر على دنياك
ياطيب الساس تبي تمر من العجايب ؟ قوافل الصبر من شيم المؤمنين خذ مما صفا لك واترك مافيه الكدر شاعرنا الجزل عبد الله كتبت فأبدعت لله أنت ولقلبك السعادة . |
اقتباس:
هُنا درس مجاني لـ هواة الهجاء الادبي داخل إيطار الادب والاخلاق الساميّه رائع واكثر يا عتيبي |
الساعة الآن 07:55 AM |
Powered by vBulletin® Copyright ©2000 - 2024, Jelsoft Enterprises Ltd.