يا صالح العرجان ( مع البدوان !.. ولا حول ضفه )..!
 

صباحكم / مساءكم خير




وكل عام وأنتم بخير

[poem="font="times new roman,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]مع الغبشه يلف القلب لفه=وانا ماخذ مع الفنجال شفه





أشف البن ريح الهيل ينشع=وقلب الغوش رف اليوم رفه




أبي أفهق دلالي عن مشبي=يا صالح.... قوم طف النار طفه





أسولف لك وآنا بزف سري=ماهو زفة عروسً وسط زفه





يجيني طيف طاغي بالملامح=يناظرني يعض الناب شفه




عيوني في عيونه لا نظرته=وموق العين دف الجفن دفه




مسك يدي يقول العيد عيدك=وحنَا العيد وسمً وسط كفه

كأن الورد في حلمي ومدري=يحف الورد مدري الورد حفه




بديت آلوج كني اليوم شايب=غدت نوقه وصاب العقل خفه





ولا أدري وين بيته وين ينزل =مع البدوان !.... ولا حول ضفه ![/poem]

فيصل الحلبوص الشمري

صح لسانك

نص عجيب على البحر الاجمل لدي

وجدتني اتنقل بين دفاته حتى اقلتني سفينة الذوق كي ارسي هنا طويلاً

فيصل ماشاء اللله عليك

مع الغبشه يلف القلب لفه=وانا ماخذ مع الفنجال شفه





أشف البن ريح الهيل ينشع
............وقلب الغوش رف اليوم رفه

ونعم بأهل الفنجال شمر



نص رائع يافيصل

نص وجداني وبحر يجذب المبدعين للكتابه به


صح لسانك والله

محبتي

أنت منوخذ هذا العيد :) أخيذت الضحا


مالك منجاةً عننا يا صالح


أما أبن حنيف ولا ناصر


ولا أنا :)


صح بدنك


ويجيب الله مطر


ننتظر عودتك يا صالح


لك شداد ينتظرك :)

الحلبوص


كل عام وأنت بخير وبجمال كجمال هذا النص/النصل



نصل بقلوبنا الى منتهى القمه والروعه

صح الصح