|
دهب قشره
دهب قشره [youtube]https://www.youtube.com/watch?v=BdM9Ut7KPT8[/youtube] دهب قشره عاجبكم شكلي وملامحي لوني بلون النيل المزروع علي تربته قمحي وعيوني الخضره شاغلاكم وبصه غريبه علي وشي قالقاكم طب أمشي ولا أستنى وألقاكم صدقوني مش هعجبكم أصل كلامي من الوجع هيشيبكم مدام بتبصوا للمظهر وللبشره أكيد هتتغروا بدهب قشره جوا القلوب جمال رباني مفيهوش غش ولا تزييف مستحيل قلبي يدق بنبض قلب تاني حتي لو بيموت وضعيف قلوبنا في كف مولانا هو إللي يغير معالمها هو العالم باللي جوانا وخفايا القلوب مين غيره عالمها بإيده يقلبها او يثبتها بإيده يخلي الهوى سلطان او قلوبنا يموتها لما تحن لعشق زمان لناس هانت عليهم العشره باعت صاغة دهب علشان جرام قشره يا عشاق المظاهر مع الإتيكيت انا صعيدي وباني بطين البيت وارضي سقيتها من عرقي ودموعي لما بكيت ولو عاجبكم قميصي خدوه وادوني جلابيه وغيط وجاموسه أرعاها وكام غنمه وكام معزه ياما جا من ورا الجاموسه كتاب وياما طلع واعظه مشايخ علمتنا اصول وكتبهم للثقافه اصول وجابوا في الادب بالأدب عشره على عشره ناس دهب ماهيش قشره يا عشاق الدهب قشره يا بايعين عشرة سنين ببلاش بعتلكم سنين عمري وكأنه مجاش وسهرت ليالي أواسيكم علي اللي إنجرح فيكم ولما طاب للزمن جرحي دورت عليكم وملقتكوش بقالي سنين مصاحب بياعين عشره بقالي سنين شاري دهب طلع قشره ياسر إبراهيم خليفه (بكاء بلادموع) |
شرفت الصعيد يا ابن الصعيد ،،
وصفت بجمال الكلمة قبح واقعنا.. من القلب احييك.. تحيا مصر. |
كثيرا ما يخدعنا البريق ولا نميز بين الدهب والقشرة
عامية رااااائعة تحدثت بلسان حالنا وكانت لها ان تعتلي قمة الابداع روووعة شاعرنا المبدع \ ياسر إبراهيم خليفه مودتي والياسمين \..:icon20: |
نص جميل و حرف عابق
أبدعت أخي |
يا عشاق المظاهر مع الإتيكيت
انا صعيدي وباني بطين البيت وارضي سقيتها من عرقي ودموعي لما بكيت ولو عاجبكم قميصي خدوه وادوني جلابيه وغيط الله الله عالصعيد و أهل الصعيد أطيب ناس كما نعرف و أحسن ناس بطيبتهم النّص من روعات الشعر الشعبي باللهجة المصرية التي أعشقها بحقّ أحسنت سلمت الأنامل |
بسم الله الرحمن الرحيم
يا بايعين عشرة سنين ببلاش
بعتلكم .. سنين عمري .. وكأنه مجاش وسهرت ليالي أواسيكم .......... علي اللي إنجرح فيكم ولما طاب .. للزمن .. جرحي دورت عليكم.. ................................ وملقتكوش !!!! جميل جداً .. الله عليك |
/
يا بايعين عشرة سنين ببلاش بعتلكم سنين عمري وكأنه مجاش وسهرت ليالي أواسيكم علي اللي إنجرح فيكم ولما طاب للزمن جرحي دورت عليكم وملقتكوش بقالي سنين مصاحب بياعين عشره بقالي سنين شاري دهب طلع قشره جميل.. ابدعت شاعرنا |
جميل جدا
أهلا بك تحياتي |
| الساعة الآن 10:52 PM |
Powered by vBulletin® Copyright ©2000 - 2024, Jelsoft Enterprises Ltd.