بقايا الليل ـــ إهداء لنواف التركي
 

الأهداء لأخي وصديقي


نواف التركي

مع الأعتذار عن الغياب




[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يالورق غنّي عسى هاك الغصون تميل = صوتك مطر والحنايا الجرد يبّاسي

أكب الأفكار حبرٍ فالورق ويشيل = ويتشكل الشعر من فوضاي وأحساسي

يا حبيّبه دام هالدنيا غدت تمثيل = بشيل جرحي وأوجاعي و هوجاسي

وشله أكابر على جرحٍ دماه تسيل = دام أن صدري بلد مستوطنه ياسي

ضيّعت عمري بأحلامٍ بلا تأويل = وأستكثروها بعيني للأسف ناسي

أبحرت عنهم بعيد ولا بقابي حيل = شراعي الصبر خايف ينكسر باسي

من كثر ما في ضميري للوجع تفصيل = أحس جيش أبرهه موجود في راسي

ترميهم الذاكره بأفكار من سجيل = شواردٍ صبّت الأحزان في كاسي

بشطح مع الحزن وأستعذب بقايا الليل = عشان أرتب شعورٍ يخنق أنفاسي

الذاكره بيد والمعنى حوافر خيل = تثير نقع السنين بقلب كراسي [/POEM]

عادل


صح لساااااانك



ولله درك



سجل اعجاابي





احترامي

عادل الرديعان


للغياب عذر

وفي القلوب مساحه من مغفره


وتبقى الأنقى والأبقى في قلب أخيك


ممتن لكل حرف هنا

الاخ عادل الريعان

قصيده جميله جدا. مليئه بالصور


سجل اعجابي بحرفك


تحياتي

نجدي حاطوم

رائعه ياعادل
ويستاهل نواف الاهداء
صح لسانك
ودي واعجابي

صح لسانك ,, واعتلى شانك


بإنتظار جديد ابداعاتك