على طاري التعديل والجــرح يا شقران
 

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
على طاري/ التعديل والجرح ياشقران=على طاري/ المغنى وضحك العزوبيه

نسجنا السوالف/ مثل ماننسِج القيفان=الين البحر /غنى مواويل بحريه

نسولف / نألف / نـبحر بـ..(كان ياما كان)=سوالف عموميه / وحاله خصوصيه

ذكرنا السنين اللي مضت من قديم ازمان=من ايام ( بن غانم) وعليا الهلاليه

هنا بنت ابوزيد الهلالي/ لها اوطـان=ولاهيب نجديه / ولاهي حجازيه

ولاهيب معصومه من السهو والنسيان=لها عند عاشقها / مدارات كونيّه

من الوعي واللاوعي/ والحس والوجدان=اراديـــة الفتنه / وهي لا اراديـــه

لها اهـة ًً في ليلة البرد والتحنان =ترسب صداها/ بالعقول الرسوبيه

عليها (فهد بلان)غنى (جبل حوران )=بلحن الطرب / ماهو بلحن الشقاويه

ووصفك لـ(بنت النور) مايدخل الاذهان =خيال وحقايق / من حقايق خياليه

علامك تزيد الوصف للتوت والرمان=وروحي على الرمان والتوت مشقيه

ترفق ولاتبحر/ ترى القلب له جدران =لو انه تعداها / فلا لك سموحيه

لك الله تعبنا نطلب العذر للغلطان =وغلطاته تهـِـد الجبال اليمانيه

زمان القوافل تعبر السهل والوديان=وماكانوا (اصحاب القوافل) حسوديه

تغير علينا الشكل/ واهتزت الالوان=سواد الشقا لونه/ والاحلام ورديه

امامك (صقور الجو) صارت بلاجنحان=وجنحانها صارت بسوق الحراميه

سالت الرُبى /والفيض / والنبع/ والأغصان =وملح البحر/ والريح /والشمس/ والفيّه

وش اللي بقي/ من مفردات التعب مابان ؟=وش اللي تعدى/ من تماثيل وهميه..؟

حسافه..! كريم الوجه يوقف على البيبان=يدور بدال الثوب له / ثوب عاريّه ..!

تعبنا ندور من( شجون الحزن) اشجان=نعبر بها عن حالة ً انفراديه

من الكذب/ للتدليس/ للزور/ للبهتان=من الغش / للتدوير/ وعلوم مخفيّه

وجوه التعب صارت تسولف بدون لسان =وظهور الشقا من (جور الايام) محنيّه

ترى الزير / لما قال / لايبرح العبدان=تكبر/ ولم يجهر/ بسر العبوديه ..!

وياصاحبي شقران / مايجبر الفنان=على الرسم غير الملهمات الطبيعيه

زوايا /هدايا/اشرعه /بارق ..وهتان=منافي / مرافي /وابتسامه طفوليّه

وانا لو بغيت ازيدها / يارفيع الشان=سقيت (الفجوج الجرد) بمـزون وسميه

ركام السحاب احمر/ وتحت الثرى بركان=عسى الله يسلم تاج راسي / وجنبيه

عقالي /ومسباحي/ ومعزوفة الركبان =وبشتً شريته من بشوت الحساويه

معك خلها( حاجه وحِجه) بلابرهان=عسى الريح ماتخلف ظنون الهقاويه

بعد زادت ذنوبي/ ابي رحلة الغفران=ولاكل رحله يالزيادي / سياحيه

ولاكل شي مطرود ملحوق ياشقران =ولكنها النيات / ياطيب النيه

فلا تامن الحيه / ولاتامن الثعبان=ولو تامن الثعبان / لو تامن الحيّه

ومشعاب ابو مشعاب حارس على الاوزان=عظامه من الزيتون / والراس ملويّه

لو انك تخالف منهج القاف والميزان=تشوف (النجوم البيض) في عز ظهريه

هذا علم /مدري فلم / او .هــمّ بالمجان =او ان الحكايه/ من حكايا جنونيّه

تمعن/ وسم اسم الله الهادي /الرحمن=خذ العلم كله /والتفاصيل منسيّه[/poem]

حجز أول فاخر

منك لله

هذا النص يحتاج أكثرمن قراءة يا سليمان
انا هنا فقط لأقدم جنائن من الياسمين لك وللجميل شقران الزيادي
لي عودة ان شاء الله تليق بمقامكم

.
.

هلا ابو عبدالله


حضورك يشرفني

ولكن لاتاخذ معك ادوات اخرى

غير الجوال والمفاتيح