إلى متى يا حزن وانته بعروقي

نهر ن رمى طفل الهنا في مصبه.

وإلى متى لليل قلبي تسوقي

سوق الأسير الخاسر ف يوم حربه.

يا دمع متعلق على سفح موقي

قمة جبال السعد يا دمع صعبة.

يا ولد آدم لو فوادك شفوقي

في دنيتك تلقى السعادة مطبة.

الطيبين اللي هواهم يروقي

والطيب اللي يخاف في الناس ربه.

يمكن يجيهم عوق ماهو بعوقي

طعنة سيوف الهم في كل كربة.

احزن وكن الضيق كلب ن سلوقي

ان عض سعدي عظم سعدي يقصبه.

يا دنية العشاق أصغر حقوقي

اللي أحبه يملي قلبي بحبه.

ويا الياس ياللي ف سبق حزني سبوقي

ما ينسبق دمع ن على الخد سكبه.

ويا شمس سعدي وين شرق الشروقي

ان كان غبتي في غياهيب غربه.

ويا عالم الأشعار توقف طروقي

والبوح مغلق عند الآلام دربه.

ما بين حزني و المنايا فروقي

والموت حق و سعد الايام كذبة.

أواه من زود العنا يا خفوقي

يوم الحزن نيران نبضك تشبه.

الرعد غمي و المآسي بروقي

يوم السما حزني و الآهات سحبه.

صليت دمع الضيق وأبكيت فوقي

في مسجد الاحزان يا ناس قبة.

وشديت في صحرا الملمات نوقي

وآثارها تبكيني ف كل خبة.

عطشان ودي ماي سعدي أذوقي

يا واحة الافراح ودي بشربة.