شاعر الصحراء
 

هزع نجم الشغف يضوي سهاده في زوايا البال
معه عذره؛صباح الذات من سيف الشقى مجروح!

يمدّ الصبْر لـ أنفاس الظلام اللي نساه الفأل
وينفثْه المصير بْـ يأس متغافل طريق الضوح !

مسافة شاعر الصحراء يغنّيها الورق غربال
ومدى هالليل شرهات المنافي من كثير البوح

تلفّت والتقط وهمه من ضْـلوع السّهر ترحال
وهم طفلٍ وقالوا له: جب نْعالك إذا بتروح !

رحل يستدرك الواقع فـ مخباته "أمل و ريال"
وعزمه يشبه لْـ عود انتظر موته يدلّ الروح !

نخى نسناس مشهاته يساير "قيضه المختال"!
كثر ما ودّها "تكفى" تمرّ فْـ صوتي المبحوح !

زهابه: هقوة "الّلافي تعب" ويْخيل له مدهال
ركض له كنّه: دموع اليتامى لا دعاها النوح !

لقى شيخ التعاسة يرثي الراحة مع الأطلال !
يهيجن حلمه بْـ لحن السوافي ما يظلّه دوح !

مثل ما تقبر الساعة ثوانيها بدون جدال !
قبر ضحكات خطواته وعاش بْـ حزنه المفضوح

وعاود يشعل المنفى قصايد من هشيم الحال !
رماه الليل في برد التساؤل واللحاف جْروح !

معاناته "عزيزة نفس" تكره دمعة الرجال !
عشق يستنزف أوراقه مَـ دام إنّ الدماء تْفوح !

يجسّد شاعر الصحراء "ضحيّة تجربة لـ أجيال !"
تفانى من قبل يسكن مدينة حلمه المذبوح !

قَصيدة شعبية مُتعشبة بأجمل الصور والمقاصد .
" يَاسر المفرج " جميل الحرف وعزف النزف

تشرّفت بوجودي مع النخبة وأنا سعيد جدًا على هذا الإطراء، ممتن

تتجمّل بدهشتكم وثنائكم، كل الشكر

يا مرحبا ويا مسهلا، وجودي بينكم إضافة لي، أكرمتني.