صفات المهبَل !
الليل مشـوار العنـاء للمحانـي ـــــ و الصبح شباك الأمل كل ما حل و الليل هذا الليل ما مـن تهانـي ـــــ سريت به والصبح ما شفته أقبـل خايف أزل و يبتلينـي لسانـي ؟ ـــــ يا رب سترك يا عسى البوح يذبل ما هي غريبه لو جنيـت المعانـي ـــــ ما دام فكـري بالمشاعـر تبلـل و اللي حدانـي للكتابـه رمانـي ـــــ ب/أربع جهات الطيب فيها مكبل واللي يقول الطيب غلطة زمانـي ـــــ جاوبت في نفسي/ تمهـل تمهـل جعل الصفات خفافها للسمانـي ـــــ دام الردى في مجتمعنـا تمرجـل حتى أعز النـاس صايـر أنانـي ـــــ من عقب ما زانت ظروفه تبـدل مثله مثل غيره ب/همـي نسانـي ـــــ و أنا الغني بالله وب/ناسي أعـزل صديت عنهم يوم عقلي دعانـي ! ـــــ قل .. للقطوع و ذكرياته توكـل ما عاد بي شوق لفلان و فلانـي ـــــ لان التولَه من صفـات المهبَـل ! حتى لو أن الطيب يسكن كيانـي ـــــ مجبور أعيش وباب طيبي مقفـل قلبي ماهو ناقص ينـوح و يعانـي ـــــ مع السلامه و الندامـه مسلسـل أن ما غزيت الضيق و الا غزانـي ـــــ بالله يا صبري طلبتك ( . . تجمل م / ش Rose7747 |
بِروحِ السَّنابِلِ والمَاء هذا النَّص يا مُحمد يَملأُ بَهجَتنا و يُهدينا مَحاصيل الجَمال شُكراً لك . . |
الساعة الآن 11:42 AM |
Powered by vBulletin® Copyright ©2000 - 2024, Jelsoft Enterprises Ltd.