__( حلمي الطاغــي )__
 

بعد غياب لقلوبكم الطاهره مجرد احرف

اتمنى ترتقي لحجم حضوركم ومروركم


هي لكم :/





[poem="font="simplified arabic,5,darkblue,bold,italic" bkcolor="transparent" bkimage="" border="none,4,gray" type=1 line=1 align=center use=sp num="0,black""]حزين وحيلتي أبعد ولا به كون يعنيني= امدّ اروي ضما احلامي واعرف ان النصيب شحيح
اهيم ولحضتي ملكي وأجول بماضي سنيني=واسج الفكر وارخي له عنانه مع مهب الريح
اشوف اكثر سعاداتي واحاول قد ما فيني=المّه باقي انفاسي واعرّضه النفل والشيح
وانام وحلمي الطاغي يحاول ما يصحيني=يخفف عنّي ونفسي معه في حاجة الترويح
تعهد واعلن لذاتي فصال(ن) بينه و بيني=وانا لا زلت أميل أن الوضع في مرحلة تصحيح
زهابي ضيقة ضلوعي وهم(ن) ما يقديني=وعشق(ن) ما فهمني صاحبه وش ينفع التوضيح
جفاني ما غشا صدري وضم يديه بيديني =امد القلب له راضي ويجرح وأعتذر وأبيّح
سؤالي يا جوابه هل ؟ بتقنعني وترضيني=وانا شربي من ايامي جحود وزادي التجريح
أبضحك وانتشي فرحه كذا واسأل انا ويني=واذا حصلتني ببكي على ضحكي بلى تصريح
وابرحل ما معي غيري وش اللي بس يعنيني=وأمّـــد أروي ضما احلامي واقول أن الزمان شحيح[/poem]

خالد


لقد كنت هنا الشعر بما يعني

لله درك وصح السانك ولاهنت


دمت بود

جفاني ما غشا صدري وضم يديه بيديني
ـــــــ امد القلب له راضي ويجرح وأعتذر وأبيّح

صح روح البيت

خالد الحافي
كل ماهنا جنائن
مبدع واكثر

زلزلت ارض الشعر بهذا الحلم الطاغي

صح لسانك ودمت بشعرك شعراً

محمد السالم


شرتني بأطلالتك العذبه وحضورك الغالي


لاهنت


ودي وتقديري