|
" ملاذ "!
 : : وقعت ملاذ عن طريق الصُّدفة - على متصفحين يحويانِ أبياتًا موجهة لـ وطن ونون ؛ وقالت لي: " ليش ما كتبت بي شيء ؟! فكتبت: : طلّة الصُّبح تشبه طلّتك يا ملاذ .. والعصافير لا من غرّدت: " ضحكتك ". جيت أقول المطر أنتِ وصرتي رذاذ .. جيت أقول العطر أنتِ .. وجت لكنتك: لكنةٍ من شياطين الأوادم : تُعاذ .. .. نغمةٍ ؛ ما تليق إلا بطرف .. " شفّتك ". جعل يومي قبل يومك - وبآقول هاذ .. موقنٍ أني أصدق مني : بـ "حضرتك "! 🌹 |
 : "حبّي" اللي كثر ما طوّقك .. .. في عيوني أشوف اللي أبيه. آيسكريمك / هو اللي اتذوّقك .. قبل يا " ملّو " لا تتذوّقيه ! 🌹 |
 : يا بنيّتي وأنتِ بعيدة عن العين .. العين ماهي في " غيابك " هنيّا! يا قطعةٍ من روح بَيّك .. تروحين .. وتروح روحه لينك تجين .. ليّا. 🌹 |
 : الأصفر اللي تلبسينه ياملاذ بذمّتي .. . يخلّي " الأصفر" لو أنّي ما أحبه " لون غير ". تتحكمين بروحي ومائي ومنبع جمّتي .. . يابلسم جروحي .. بدونك لا ورود ولاش طير . مقدار ما تبعثرني الدنيا بكفّك لمّتي .. . وبحجم ما تِعْثِرني ؛ إن شفتك أقول: أني بخير . 🌹 |
: حبيبتي غايبة ؛ حبيبتي غايبة .. . وغيابها يعلّم الغيّاب " كيف الغياب "! " بنيّتي " رحمةٍ في رحمةٍ ذايبة .. .. . ودام المطر رحمة .. المخطي تراه السحاب! 🌹 |
: ملاذ وينتهي كل الحكي .. .. ملاذ ويبتدي كل الحلا . اذا بترقص على " طِلْع البكي " .. .. وإذا بتبكي على كل الغلا . 🌹 |
: غنّيت ياوردتي لك .. ؛ وأنتِ بحضني. .. . وشلون في غيبتك عنّي : ما اغنّي لك؟! ياشمعة العُمر .. يوم الموت يلحظني .. .. . ياجعلني " مَسحةٍ " بأطراف منديلك .. 🌹 |
| الساعة الآن 02:47 PM |
Powered by vBulletin® Copyright ©2000 - 2024, Jelsoft Enterprises Ltd.