غصن الصدّ
 

على خدي المبلول آهد و آدرقه
دمع عين ذابحها جفا الخل و وصاله

ذبحت الظروف اللي احفرت خندق الفرقة
دفنت الدموع اللي بكت حبة الخالة

يلي كل عمره شمس ما يعرف الحرقة
يلي داس للفرقى جمر موته أشوى له

انا باب هجرك ما تعب يسمع الطرقة
تعب ما يشوف الوصل مفتاح لأقفاله

كثر ما لضي الشمس في غربه و شرقه
وهج ما تواهج غير حزني و مثقاله

تلامعت لك وصلن ضرب رعده و برقه
تساكبت لك شوقن سقى الصد و أمحاله

ي لص الخفوق اللي تجرأ على السرقة
سرقت الحشا لا قلب لا كبد لا اطحاله

على دم صبري في الجفا نبضي و عرقه
وانا بين مسكرة اللحظ ضعت و اكحاله

ليا اسود هجرك والليالي بدت زرقة
ونجم الحزن علق على ضيقي اهلاله

غصن صدك اللي ما ترك للقا ورقة
احلفك قله يطوي الليل بظلاله

رضا الهاشمي
الشوق و العتب
النبطي

أحسنت يا رضا

وأمتعت شعرا عذبا

ممتع ومبدع يا رضا

صح لسانك

ياسلام يارضا جمال وعذوبة وبوح راقي
دمت بهذا الألق

احترامي

سلمت شعرا وشعورا
ودام يراعك ماطرا بالمداد شعرا
يستنبت الإعجاب

لك التحايا من وريد العطر جوري

تصاوير غارقة في مساحات التجديد
شكرا لنبضك