يارب يا كافي
 

[poem="font="simplified arabic,5,blue,bold,normal" bkcolor="transparent" bkimage="./images/backgrounds/55.gif" border="double,6,gray" type=1 line=0 align=center use=ex num="0,black""]يا مجيب الدعاء يا غافر الزله = مابي إلا رضاك وسترك الضافي
في رضاك العفو والرزق في حله = إنت عفوك ذرا لو يسفي السافي
لا رضيت إنت ماعندي ولا عله = لا رضيت المريض يصير متعافي
ينجلي هم قلبه والمرض كله = عقب ماهو طريح فراش ولحافي
وإنت سترك يرد مدور الخله = لو قعد في نهار وليل يحتافي
لو يشوف الخطا والعيب ويدله = لا بغيت إنت يرجع كن ما شافي
ما وصل مبتغاه ومابرد غله = فزعتك تمنعه يارب ياكافي
رحمتك ضد معنى الخوف والذله = رحمتك نور عين(ن) نورها طافي
إنت سيف العفو بيديك وتسله = ضد كل المظالم عدل وإنصافي
من توكل عليك لشئ ياصله = مايرده وجود أحزاب وأحلافي
ما يضام الذي توقف معه لـلـه = قدرتك مالها وصف(ن) بالاوصافي[/poem]

ماجد العيد..
أسعدني مرورك اخي الكريم..
شكرا من القلب..

فيصل الحلبوص..
اخي الكريم مرورك على متصفحي المتواضع يزيدني فخراا
شكرا من القلب اخي فيصل
تقبل تحياتي..