|
محاورة ؛ فارسٌ وديع ..
: سلام يافارس بدر كانك بدر .. وإن كان ما أنته بَدْر لا يْضيع أوّلك! بآغني الليلة على " طرقٍ لعين" اقرب وهات الأحمدي بـ ألعن ثواه ! 😏 🌹 |
؛
لك السلام امن الغمام وما ندر من كل خيرٍ يصهل وما يجهلك غن بوديع الصافي أيامي تزين .. ولا وديع الأحمدي عندك دواه !🙃 ؛ |
: " اللي هرب واللي قرَب وجهٍ ودر " .. ماني بقايل هالكلام إلِه ..و إلَكْ ! يساركم عندي .. أترجمها يمين .. .. اقرب ولك تمرة ولا فيها " نواه "! 🌹 |
؛
على ثلاثة .. ركبوا .. اردى قِدر لـ سادس الخمسة وكهفك مدهلك حتى لو انك كنت من ماء مهين انت اللي بالجمرات نرميه بـ حصاه :) ؛ |
: بالليلة الغدرى .. خطاويك تْغدِر .. واللي عطاك البوصلة ماوصّلك! آدم لو إنّه طين سِتره " ياقطين " مدام يقرا ؛ لكن بحاجة رُقاة ! 🌹 |
؛
العجز واسع ، لكن الضيق صدر !والحجز راسخ وانت له سيد وملك تُرقى ومن رقياك توغل بـ الأنين تخشع كأنك طالب المولى رضاه ؛ |
: أرقى بك وتنزل تحت قاع الجَدِر .. أدفّك لأعلاك ترجع لـ :اسفلك ! لي جرّةٍ وحدة .. وأنته جرّتين .. وشلون صارت خُطوة المخطي خَطاه ؟! 🌹 |
؛
ينقز إلة ( العرب ) ويدحدر حَدر لو أمهله أو أهمله راح .. يهلك خل أوله في آخره تلقى.. اليقين هذا القِدر واحرص على قفلة غطاه 🙃🤍 ؛ |
| الساعة الآن 10:59 AM |
Powered by vBulletin® Copyright ©2000 - 2024, Jelsoft Enterprises Ltd.