ريح ضميرك وسلم لي على ظنونك / بداح الشوّيب
 

عيش بحياتك يا راسي لا يهمونك
ولا تعده بحسبتك من يجهل حسابك

لو ترخي الراس ، ، للعالم يهينونك
ومايهينك المستهين الا من اسبابك

ماطاف طوفه وحب اللي يحبونك ،،
وقيمة حياتك ترا من قيمة احبابك

واللي يبي يحمّلْك حملٍ على امتونك
نفسه ما يرضى عليها بس يرضى بك

اعصابك المنهكه ، ، للي يحدونك
اصبر ، واخذ لك نسم بتريح اعصابك

يالغايب المعتذر صبرك على هونك ،
ماكل شيٍ تجيبه ، ، ، رمشة اهدابك

حارص على ان الطواري لا يجيبونك
وتطريك نفسي على نفسي وتغتابك

سكرت بابك تحسْب الناس بيجونك !!
ما وقفْت لا عليك ولّا على بابك ،

اسأل غيابك ( ولا تسألني شلونك )
يغثني هالسؤال ،، ويخنق اعتابك

عايش (ومستور وضعي) شوفة عيونك
وماني مجامل ، ، ترا مرتاح بـ غيابك

ريّح ضميرك وسلم لي على ظنونك
الشوق ماجابني بس انت وش جابك !!

#بداح_الشويب

سكرت بابك تحسْب الناس بيجونك !!
ما وقفْت لا عليك ولّا على بابك ،
حين توضع الامور في نصابها لن تأخذ اكثر من حقها
ما اجمل الشعر حين يكتبنا بعزة نفس وشموخ
فيأتي الحرف سامق الترف يهدي قارئه طيب المقام والفخر
سلمت يمناك شاعرنا المبدع \ بداح المطيري
مودتي والياسمين

\..:icon20:

ﺍﺳﺄﻝ ﻏﻴﺎﺑﻚ ‏( ﻭﻻ ﺗﺴﺄﻟﻨﻲ ﺷﻠﻮﻧﻚ ‏)
ﻳﻐﺜﻨﻲ ﻫﺎﻟﺴﺆﺍﻝ ،، ﻭﻳﺨﻨﻖ ﺍﻋﺘﺎﺑﻚ

السطر عملاقٌ حين تؤويه الأنفة
ويكفله العتاب الشفيف


الشعر في قوافيك أسلوب حياة
أحييك

هكذا الشعر يكون ...
صح لسانك ودام بيانك ..

دمت بألق ياصديقي .