منتديات أبعاد أدبية - [ وجهك بلادي ]

السلام عليكم و رحمة الله و بركاته ..

[ وجهك بلادي ]

http://www.m5zn.com/uploads/2010/6/1...658kb6k31m.jpg

هي ليه الأيام قبـل إتحدّنـي للمغيـب
,,,,,,,,,,,,,,,, إتوصِّي الدرب لا مـرّك غريـب اقتلـه

مقتول من يوم حلقي ضاري ٍ للحليـب
,,,,,,,,,,,,,,,, لا تتركيني تراك أكثر من احتجـت لـه

دوَّرت بين الوجيه و لا لقيـت الحبيـب
,,,,,,,,,,,,,,,, إلا سديمك قبـل يلقانـي ارتحـت لـه

وجهك بلد لا دخلته مـشعر إني غريب
,,,,,,,,,,,,,,,, أنسى هموم ارتحالي كل ما جيـت لـه

خلف المحاني وشمْتِه و الزمان الصعيب
,,,,,,,,,,,,,,,, نتـّل ضلوعي يبيـه و لا قـدر ينتلِـه

لي داخله ذكريات إتشيـل آه و تجيـب
,,,,,,,,,,,,,,,, أصدق تفاصيل من كلْ غايب اشتقت له

بأعلى حواجبْه ذيبة .. تحتري زول ذيب
,,,,,,,,,,,,,,,, و بشفتينه حمامة صوتها صـوْت لـه

فيه الأماني بعيـدة ..والتلاقـي قريـب
,,,,,,,,,,,,,,,, أقرب من الشعر لا جاني .. و غنيت له

وجهك بلادي ولا اقدر عن حدوده أغيب
,,,,,,,,,,,,,,,, لو ضايقه صيف , وجه الغيم حوّلت له

تدرين جسمي متى من هالمواجع يطيب؟
,,,,,,,,,,,,,,,, لا صار صدري على طول العمر بيت له

وجهك تعدّا مفاهيـم البلـد و الحبيـب
,,,,,,,,,,,,,,,, الله و امانه وهو جوَّاي .. حنيـت لـه

لـكل عين قرأتني ... شكرًا : )
.
ناصر حطاب الدهمشي