نعمة التيه :
 

لقلوبكم النقية :
الياس لو مابينت بي مواريه
لمحت له في سكة العمر جره
ياغالية قبل* .. العتب لاتزيديه
اسف على هالجرح واعشقك مرّه
وليا سألتي عن سبب صدتي ليه
أبسألك روحك عن القيد حره ؟
وابسألك ليه الهوى تِربط إيديه
بأسوأ مكانٍ للهوى بالمجرّه؟
وابسألك صدْر الجهل لاطعنتيه
بالصدق؛وش يأتيك غير التشرّه؟
والدين هو باقي حراميه حاميه؟
وأهل اللحى بحروبها مستمره؟
لك عاشق ذنبه صراحة مباديه
به فاخري؛مادام فخرك يسرّه
كم زندقوه؛ وزودوا ضيقته فيه
واستغفلوا عقله على حين غره
سراقة أعمارٍ ذممها على جْنيه
تشرا ولا فيها من الصدق ذره
حلو الصراحة؛ لو تجيب المشاريه
والصدق؛ نعمة لو يجيب المضره
لاغبت عنك حبنا لاتبيعيه
والعين لاتذرف من الحزن دره
واسمي من الشمات لامن سمعتيه
قولي مابين .. الناس* .. لله دره !!"
تايه معك وامنت في نعمة التيه
ياوجهةٍ فيك الضياع .. المسره
مـ انساك حتى لو غرامي نسيتيه
فرقاك .. هذي سالفتها مْجرّه !

لك عاشق ذنبه صراحة مباديه
به فاخري؛مادام فخرك يسرّه


وهذه شيمة الطّيب يا مصل الطيب

الشاعر الألق
حسام المجلاد

ديدنك التمّيز
لك التّحايا وأضاميم عطر

ياوجهةٍ فيك الضياع .. المسره
مـ انساك حتى لو غرامي نسيتيه
فرقاك .. هذي سالفتها مْجرّه !

وكان الختام مسك أوفى حق الضياء عهداََ لن يفل
سلمت يمناك شاعرنا الالق \ حسام المجلاد
مودتي والياسمين

\..:35:

لله درك
يا حسام
الشاعر الجزل الهمام

أفضلت وقدمت شعرا رائقا

تحياتي

والصدق نعمة لو يجيب المضرة كلام صحيح ، فالصدق يوصل
لمدارج النور ويبعد عن طريق الظلمة،
بائع القلب لا يستحق نعم الحياة ،طلبا عزيزا وغالي
إن غبت عنك لا تبيعين حُبنا ،طلبا مؤثرا ،
سلم البنان شاعرنا الفاضل أسعدك الله دنيا وأخرة،

لك عاشق ذنبه صراحة مباديه
به فاخري؛مادام فخرك يسرّه

ياسلام ياحسام مبدع
تقديري

دائماً مبدع

يحفظك الله