غرفة الإعتراف (1) بدر الموسى
 

السلام عليكم ورحمة الله وبركاته ..

جلسة الإعتراف ( 1 ) ..
مع الضيف الخفيف اللطيف ..
الأستاذ بدر الموسى ..

* البطاقة الشخصية ..
"
* الاسم : بدر الموسى .
* العمر : 39 ربيع ، ربيع ينطح ربيع .
* النشاط في المنتدى : تقريبا أغلب تواجدي بين الهدوء والعام فقط الا قليل .
* معلومات عامة : هذي عاد أخليها لكم .
"

لا تنسوا .. تفعل قواعد غرفة الإعتراف ..
مدة الجلسة أسبوع من اليوم ..
بدأت الجلسة في يوم الأحد / تاريخ ..
10 / 4 / 1438 هـ ..

حيّا الله بالضيف الذي سيولِمُ لنا من اعترافاته
(بكلّ نزاهة)

البدر،

أول بيت قصيد كتَبتَه

اعترف
دون تنقيح هاتِه بهنّاته وعثراته
لا تنسى ما بين الأقواس
(بكلّ نزاهة)
:)

مراحب بأول المعترفين : بدر الموسى" :icon20:
اعترف
لماذا ينحصر أغلب تواجدك بين الهدوء والعام فقط مثلي :)

للأنصاري الرائع:icon20:

نقول بسم الله الرحمن الرحيم

أهلا رشا
يسعد أوقاتج

أول شي خليني أعترف أني ما أشوف نفسي شاعر
اعتبرها فترة او حالة معينة انتهت بوقتها بظروفها بمواقفها
هذا توضيح للشاعر المتهم فيه أنا

أما أول بيت
صدقيني ما أذكره
لكن محتفظ فيه بأوراقي
بس المشكلة بالذاكرة
اتوقع يومها ما كان البيت مكسور
لكنه مافيه من الشعر شعره ههههه
بس الله يذكره بالخير كان موزون
وتحديدا كتابة البيت موزون كان احد أسباب كتابتي لبعض القصائد




بـــ نزاهه والله

أهلين ليلى حقت الليمون بنعناع


شوفي
مريت بفترة طويلة صار عندي اشباع من المنتديات بشكل عام
وصابني كسل مو طبيعي حتى اني اكتب او أرد أو أعلق
يمكن لطول الفترة اللي قضيتها في المنتديات
لكن لمكانة أبعاد عندي حبيت اني اتواجد حتى لو بين فترة وفترة
أبو خالد يستاهل والمكان كله يستاهل بكل ما يحمل من ذكريات ومواقف وأشخاص التقيت فيهم في المنتدى
كل جزئية من اللي قلتهم أحطها بعين الإعتبار مع كل دخول لي للمنتدى قبل والحين

هذي مقدمة راح تبين لج وللكل اني قسم الهدوء بكل مافيه من هدوء وعدم الإلتزام بالردود والتعليقات من الطبيعي يكون المكان المفضل لي للي مثل حالتي
والمنتدى عام لأن مواضيعه خفيفه ما تتطلب جهد لا ذهني ولا فكري
حتى المشاركة تكون خالية من الإلتزام


وبس :)

الأعشاب الضارة تنمو وتزدهر .... وتتشابك

توقيع استوقفني بتعبيره
فسر ...!!

أهلا ليلى مرة ثانية

أفسر ليش ما أفسر

بيني وبينج التوقيع لما حطيته كان يحمل رساله معينة لأشخاص معينين
وأتوقع لا متأكد بان الرساله وصلت بوقتها
بوالنسبة للتفسير
الجملة هي لكاتب قديم أو كأنها مقولة أجنبية لكن هذي ترجمتها بالعربي ( يعني مو أنا كاتبها :) ) اعجبتني او اخدمتني بمعنى أصح كل اللي عدلته اني أضفت كلمة تتشابك لأن كلمة تتشابك كانت تمثل طابع البريد


فسرت ولا ما فسرت ؟
:p