منتديات أبعاد أدبية - لا تغــادر/شقة الحُرية ..

[SIZE="4"] // ..( عندما يكون الصمت صديق مزعج بالغربة )..

// .. ( مناقشات ثلاثية .. / أنا ../ الصمت ../ العقل ..)..

// .. إهداء خاص الى خمسة أصدقاء../(إخوة )..أسماؤهم واردة بـ النص ..

..... والإهداء للجميع ..

// .. ثمانية اوراق .. في ليلتين المدى ..
_____________________________

( ورقة اولى )

قلت أطفي النور أحسن .. ما اشوف وجيهٍ .. من أمس رحلت ..
واطلع ..بــ إحدى ( الزوايا ).. بـ صالة ( الشقه ).. الحنينه ..
اقفل جفوني .. على عيوني ..
واغادر.
..
..
- اتجهت لـ ياس روحي ..
.. وغيهب عروقي .. معايا ..
.. بـ كل فضا نفسي مغادر ..
.. / عن فضا موحش ../ كئيب ..
..قلت : ابـ أرحل ..
.. كـ الغدير .. بــ( قيض )../ يرقى .. للسما ..
.. بعد .. مامل إنتظار .. بـ أرض ..
.. ناسيها الطريق ..
.. ماتوضا شوق ( صدره ).. ريق ( طرقي ).. بـ يوم عابر ..
.. ولا ( قطا ).. مره نهار ..
.. ولابعد .. مره ( يمام )..
.. ماتنفس بـ النسيم .. عيون ظبي ..
.. وعوي ذيب ../
.. وراح يرقى .. للـ غمام ..
..
..

( ورقة ثانية )

.. / ( إنتشقت ).. بـ( نظرتي ).. كل المكان ..
.. والزمان اللي .. رسمني .. للـ( زمان )..
.. إنتشيت ( أوتار )../ صمتي ../ من الصبا ../
../ والصبابه ..//
.. بـ الجواب .. وبـ القرار..
.. إرتميت .. بـ خطوتين .. داخل .. الـ( لُج الرمادي )..
..خطوتين ..
.. و ... صاح .. قلبي ..
.. وين رايح .. ؟؟!
.. قلت : اغادر ..
.. قال : إرجع ..
../ إرجع افتح شقة الخاطر .. عليهم ..
.. إشعل أنوار النواظر .. بين اديهم ..
........................... بس عليهم ..
.. سلم الليله .. ومسيّ ..
.. لاتغادر ../

.. لاتغادر ../

.. لاتغادر ..
..
..

(ورقة ثالثة)

.. إرجع .. بـ ضي المكان ..
.. للـ عيون .. اللي ( غلاها ).. / مايهاجر ..
.. للـ وجيه .. اللي ( اتّربع ).. / بـ المحاجر ..
.. و .. الـ( أسامي ).. اللي .. على لسانك ../ ( طرايا )..
.. لا طرتـ لك .. وأنت فيها .. ( تستدير ).. / ولا نسيت ..
.. تنصهر .. في ( غرفة ).. / ( الغربه ).. ( صرير )../
................................................. وتستثير .. /
.. رغبة .. أبواب السؤال ../ المعرفه ../
.. وان كتبت اللي قريت .. / ولادريت .. /
................................. فلسفة ../ لحظه ..
.. / تمحض بـ الشعور .. / .. أو ..
.. شعورٍ .. ( يرتبك ).. بين الـ أسامي .. فلسفه ../
.. ذاك ..( ثامر )..
.. بـ أول انفاسك .. ( صهيلٍ ).. / فوق خيل ..
.. وآخر التوديع .. عطفٍ
.. ( ينفي ).. / دموعه .. تسيل ../

..

.. وآآآآه ..
.. و .. ( اعزيّزْ ).. ؟!..
.. من اللي .. يفقد الثاني .. ( أخو )..؟!!
.. في عيونه .. لاتمادى .. تكتشف ( حزنك ).. شدو ../

..

.. و ابلغ اللي يعرف إحساس الغريب ..
.. بـ غربته ..
.. وصحة الاسما .. بــ( غريب ).. / اقرب نصيب ../

..

.. و حمل الـ أيام .. ان توازا ..
.. ينهض .. ( بشيّر )..
.. يشيل ..
../ كل صدرٍ.. ضاق ( حمله )..
.. بـ إتساعه .. مايميل ../

..

.. وللـ طفوله ..
.. والبراءه ..
.. عمر آخر .. بـ البشر ..أو .. تصدق ..؟!!
.. ماتلوق .. إلا لــ( بدر )..
.. مهما كُبر ../
..
..
( ورقة رابعة )

.. لاتغادر ..
.. لاتغادر..
.. إرجع بـ نبض الحنان ..
.. بـ خافق الشقه الـ أمينه ..
.. وين رايح ..؟!
.. مـ أنت ( سايح ).. يكشف ( رموز ).. المدينه ..
.. والمناظر../
.. مـ أنت ( وافد ).. يحفظ الوان المطاعم ..
.. و ( المخافر )../
.. لاتغادر ..
.. (.........) ..
.. بـ زحمته .. / .. فارغ ../
.. و شاغر ../
.. ماتضمك .. كل مبانيه .. الكثيره ..
.. والعماير../
.. ماتعرفك فيه ناسه ../
.. والشوارع ../
.. والمنابر ..
.. لاتغادر .. لاتغادر ..
..
..
( ورقة خامسة )

.. إرجع لـ عشقٍ .. ثمل ..// حد الهيام ..
.. صاحي الود .. بـ عيونك .. // ماينام ..
.. ثرثرة ( حزن ).. بـ جلوسك .. // والقيام ..
.. وش تناظر .. ؟؟!..
.. واضح بـ وجهك .. مثل ضحك ( الصبايا )..//
.. لا اتـ ألم .. مثلما ( القدس العتيق )..
.. بـ وطي .. أبناء ( البغايا )..
.. لا تخون الصوت .. في قلبك ( شـ ـظـ ـايـ ـا )..
.. وتـ أمن .. ان ( الليل )../ ( ساتر )../
.. ينفضح ( بكره )..// كما اللي ..
.. خان ( بغداد ).. // وهتكها..
.. و.. ( إمتطاها ).. كل كافر ../
.. لا تغادر ..
.. ارجع .. لـ صدق الـ أخوّه .. في ( حضورك )..
.. و المشاعر ../
.. مو مهم ( أجسادهم ).. غابت ..//
.. مع طول الطريق ../
.. مو مهم أصواتهم .. ذابت .. //
.. بعد كلمة .. وداع ..
.. بس .. باقيـ لك ( حنينٍ ) ..
.. مايسافر ../
.. يشتعل بغيابهم .. // .. مثل الحضور ..//
.. وتشربه بـ حضورهم .. ( فيٍّ ).. و .. نور ..//
.. باقي ( هنيا ).. من ( أرحام ).. السهر ..
.. ليلٍ .. ( حشيم )../
.. بـ جلسةٍ .. كانت .. ( حميمه )..
.. تهمس الشوق .. اليتيم ..//
.. انسكب ..( سر )..// ارتوى ..( سر ) ..
.. ( بعتيم )..//
.. فاض بحرٍ .. يفرد بـ صدرك .. شراع ..//
.. ( يرتل )../ ( الرمل )../ ( النفيض )..
.. بـ كل ( غيمه )..//
.. تغرّد الـ أنفاس .. / وإحساسك .. يهيم ..//
.. كان وجهك .. واستماعك .. صادقٍ ..
.. عكس المرايا ..//
.. لو تغادر .. مـ أنت قادر ..
.. لاتغادر ..
..
..
( ورقة سادسة )

.. لاتغادر ..
.. إلمس .. ضلوع .. ( المراكي ).. والدفاتر ..
.. سولف .. اوزان القوافي .. و.. ( المآثر )..
.. جرد .. إسفاف .. ( الروايات ).. العرايا ..
.. لا تغادر ..
.. ( استخر ).. عن خطوة الليل .. الرتيب ..
.. عن قريب ..
.. رجوعهم .. صدق .. قريب ../
..
..
( ورقة سابعة )

.. قلت : اغادر ..
.. قال : تقدر .. ؟!
.. قلت : أحاول ..
.. قلت أحاول .. أمحي الذكرى ../ بــ(مزامير )../ ( الزحام )../
.. امحي الذكرى .. بــ( إشارات )../ ( الرحيل )..
.. يمكن انسى ../
.. بــ( إنعطافات ).. الحياه .. /
.. يمكن أنسى .. والزمن طبعاً .. كفيل ../
.. قال : لحظه ..
.. لاتغادر ..
.. ( إرشف ) ../ ( العذر ).. الأخير ..
.. قلت : لكن ............................
.. قال : لحظه .. اقعد .. بــ( صدر ).. المكان ..
.. بـ صالة الشقه .. الرزينه ..//
..
..
.. ( شوفهم ).. ردوّا ( خزامى ).. للربيع ..//
.. وللــ( نفل )..( هلوّا ).. نسيم الصبح .. غير ..//
.. ومرحبا .. ( النويّر ).. ( ذعذاعة اعصيّر )..//
.. والكفوف .. طيور .. من كفك ..// على كفك .. تطير ..//
.. ردوّا .. ( أخضر ).. من حنينك .. واشتياقك .. بـ الغياب ..//
.. ردوّا .. نجومٍ .. تعدك .. / شاخصٍ .. / مثل .. العتاب ..//
.. صدورهم .. ردت .. ( مضايف )..
.. والفوانيس .. / ( النفوس )..//
.. نكهة إدلال ( الشمالي ).. في ( نباهم )..//
.. وريحة الهيل .. بـ نفسهم ../ تستحيل .. //
.. والسوالف .. من ولهّا .. ( تروحن ).. الغربه .. ( وطن )..//
.. قلت : فعلاً .. لحظة الغربه .. ( نوى )..//
.. همت أنا .. بــ( يومين ).. ليل .. بـ لاضوى .. /
.. غارق .. بـ( ديجور )../ كوكب .. من صدى ../
.. وين .. ؟ / مـ ادري .. أوله .. / من آخره .. ؟! ..
.. ماله مدى../
.. سرمدي .. / من غير كون .. ولا هوا .. //
.. لحظة الغربه .. ( سنينٍ ).. من عذاب ..//
.. غنوة الغربه .. انينٍ .. بــ إنتحاب .. //
.. لوعة الفرقا .. ضياعٍ .. بــ إغتراب .. //
.. وإنسحاق الروح .. طول الإنتظار ../
.. وإنتظار بــ لاوعد .. يعني إنتحااااااااار ..//
..
.. وآآآه .. ياحزن الغريب .. اعن الوطن .. / في ( موطنه )..!!
.. ( حزن ).. / لاصار الوطن .. عنك غريب .. / و ينكرك ..
.. وتصبح الغربه .. وطن .. مثل الصيام .. وتشكرك ..!!
.. تصدق .. إني بـ موطني .. ( منفي )..!!../ ( غريب ).. بــ( داخله )..!!
.. موطني .. ( عشرين عام ) .. يمرني .. مثل الغريب ..
.. ( ينتبذني ).. موطني عشرين عام .. وأحضنه .. !!../
.. ما أصدق .. !!../
.. ماعرفني .. من بعيد .. ومن قريب .. ؟!!..
.. ما أصدق .. / ما أصدق .. !!..//
.. ( صحت ).. أنادي ../ يابلاااااااادي ..
.. إلتفتـ لي ..
.. إبتسمت ..
.. إغتاض وجهه .. / واستدار .. !! ..
.. يابلاااااادي .. / ياحبيب .. / ما أصدق .. / لاتغيب .. /
.. يا.. ( مهادي )../ يا .. بلادي ../ لك ( فؤادي )../
.. وماسمع ..!! ..//
.. قلت يمكن .. غيروّا ( أصحابنا ).. معنى الوطن ..//
.. يا .. عضيدي ../ يا .. نشيدي .. / يا .. عشيقي .. /
.. ما سمع .. //
.. يا .. ( كذا )../ يا .. ( أبن ).. الكذا .. / يا أخو الـــ../
.. وماسمع ..
.. و .. ( إحترقته )..
.. و .. إنتها .. بـ كل ( إختصار ) ..
..
..
( ورقة ثامنة )

.. و .. قلت اغـادر ..
.. أطفي أنوار النصيب .. / إعن السنين ..
.. بـ خطوتين .. / أحسن ..
.. اغــادر ..
.. ولا .. أشوف .. ( وجيهٍ ) .. من أمس ..
.. ر .. حــ .. لــ .. ت ..//

..

..

((((( إنتهت ))))) وأوجاعنا .. كل يومٍ (((((( إبتدت )))))) ..

..
..
/ .. شكرا لكل من ( وجدني ) .. هنا ..

.................................... / ذياب العسكر
.................................... / 9/10/2003 /size] ]

-
-