.
.
زعلت وهذي الدنيا ظلومة يالضنى اكثر
تباعدنا ولو كنا إطار وصاحبه صورة
لجل تشعل بنا نارن تولع مرجها الأخضر
يجينا الحزن منها وانه جا برجلين مكسورة
ملاحق ما هوى نادم وناصر رغبته يخسر
وقلبك شاف ما يكفي من الإعياء وشعوره
جلست وقلبك الباكي يعورني ونا مصفر
افكر كيف ازعل من يخلي ضحكتي ثورة
وجيت اكتبك في صفحة ونازع ايدي الدفتر
وعض الشعر ثوبه لجل ما تغرق بك بحوره
أنا ما بيك تتعب لي بياض قليبك الأطهر
ولا ما بيك تتعلق بحبن ركت جسوره
ولا مابيك تكرهني ولابي حبنا يكبر
ابيك تسامح الدنيا وتقبلها وهي عورة
وش الي بعد ما يكبر ولو طاولك ما يصغر
رؤوس الزرع يا قلبي ولو بعدين مغمورة
وتالي قربنا بعدن وبعد البعد رح نجعر
نمد اليد للحب الهو ايديه مبتورة
احبك قد ما حِبك وظني ما خلج اكثر
ولك فدوة من أشيائي أنا وْمن عمري سروره
ولو أقدر أكون أجمل ونا والله ما أقدر
لكون أقرب واخلي البيد في كفيك معمورة

المشاركة الأصلية كتبت بواسطة بَلْقِيسْ الْرَشِيدِي (المشاركة 875584) إحسَاس فَاخِر يَنسكِبُ بأناقَه صَح حسَّك والبَنان . كُل التقدِير http://www.albrens.com/vb/uploaded/4563_1251393963.gif