قـمّـة الـمـوت ...!
 

[poem=font="simplified arabic,4,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]

وش بقى فيك يجنح ؛ للمواجع هواك = ما كفاك إن صدرك معشب بالطعون
ريشة الحال صاغت لوحة من عناك =وانت " ريشة " خيالك تنزعك للجنون
فوق رمضى الاماني ماثلات خُطاك = انت واقف وكل اللي معك يركضون
لا مسائك بليل ولا نهارك ضياك = وانت تخصف من سنينك حطب ؛ للظنون
خانك الدرب ؛ مدري خان من شرب ماك = والظما فيك يبّس ليّنات الغصون
لو جفيت امنياتك ؛ هاجسك ما جفاك = لو تصدى لصوته ؛ قال لك : من تكون
عدّت أيام حلمك ؛ لين صارت عصاك = ينخر الدود فيها وانت نصب مغبون
تاهت حروف صوتك في مجرّة فضاك = وانت تدعي ؛ ولاهم للدعا يسمعون
ناس ؛ كانوا لك الما وانت كنت بظماك = جنّة من وفاءْ وجذوة من شجون
يطوي الهم دربك وانت حلمك وراك = لانت قادر تعوْد ولانت قادر تخون
أنت ؛ من أنت ؟ " تبقى " وش بقى من بقاك! = لا بقى فيك طعم ؛ ولا بقى فيك لون
قمّة الحزن تضحك ؛ حين يبكي سواك = وقمّة الموت تبقى حينما يدفنون
[/poem]

يـــــطــــــوي الـــــهــــــم دربـــــــــــك وانـــــــــــت حــــلــــمــــك وراك
لانـــــــــت قـــــــــادر تــــعـــــوْد ولانــــــــــت قــــــــــادر تـــــخـــــون





ليس هذا البيت الاجمل ولكنه الأقرب إلى النفس



أما الجمال في هذا النص

فمن العبث الحديث عنه بكلمات

وتعليق بسيط ثمرته هو ابلاغك السلام


مع التحيه والتقدير

حفظك الله يا محمد وأدامك بهذا التوهج والرقي

محمد كل ماهنا يغري للبقاء رائعه حد الاشباع

مودتي وتقديري