خـنـتـك .. ومعــذور ..!
 

[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]غبتي وخنتك معا حزني وضمّيته = خنتك ومعذور لا صار الشتا هجرك
واخترت حزني لأني صدق حسّيته = يشبهك حضنه كثييير وكنـّي بصدرك
يضم راسي على صدره وشمّيته = واستنشقك وسط صدره وازفر بعطرك
حبيبتي لا متى والحزن تسكيته = اموت به حي واحيا ميّت بذكرك
وانا حنيني شحبني يوم غنـّيته = والوصل تبكي عيونه تنتظر عذرك
والبرد يحطب ضلوعي لييين دفـّيته = والشوق ياما يقلـّبني على جمرك
والليل يا كثر ما ابكاني وأشجيته = عليك والشمس ما جابت لنا فجرك
والصبر كل ما تلـحّـفته ولمـّيته = اشوف نور القمر وابكي على ثغرك
واسهر مع الهم اسولف بك وحكـّيته = عن طيشي اللي ابتدى في مقتبل عمرك
واعوّد ابكي على كتفه وبكـّيته = ويطبطب يقول أرجع والتحف صبـرك
حبيبتي كم سهرت الليل وافنيته = وآنا أضمّ الحزن وأتخيّله صدرك [/poem]

نايف هذا الشعر

مثل ما أنت نايف يا نايف


للحزن مراكب من عتاب في هذا النص

لك الود والورد يا نايف

نايف العمـر

يالا جمال هذا النـص ,,
شاعريـه واضحه وعذوبه سلسه في كل قوافيـه
امتزجت لتكون لنا لوحه شعريه اجدت الرسم في كل زواياها يانايف ,,,

صح الشعر عندما يكون هكذا ,,,

جميل ماقرأت وسوف اتابع ماتكتب يامبدع ,,

تقبل احترامي ومودتي

السالم / مَحمد


كُـل الشكر لك ولذائقتك الكريمه يا فاضل

كـُنت كـ القنديل المضيء


كـُن بخير يا راقي .. ودُمت