دفتر الماضي //// فيصل العنزي
 

السلام عليكم ورحمة الله وبركاته

إخواني وأخواتي رواد هذا الصرح الأدبي المتميز

أقدم لكم هذه القصيده التي أتمنى أن ترتقي لإذواقكم الرفيعة كما أتمنى أن تشفع لي غيابي ...

[POEM="font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]روحي بامان الله لا تسمعيني = فعلاً أنا خاين وأنا كنت كذاب
روحي وفي وسط العذاب اتركيني = مكسور في جملة أبد مالها إعراب
روحي ولا عن حالتي تسأليني = خلي الوداع بدون ما أطيح مـنـصـاب
وإذا ذكرتيني .. تناسي سنيني = وقولي هو اللي خان في لحظة غياب
من دفتر الماضي خلاص اقطعيني = ما عاد لي ذكرى ولا عادنا أحباب !!
ما دام صرتي بالهوى تكذبيني = وش حيلتي وبوجهي أغلقتي الباب
ومادمتي انتي بالغدر تتهميني = منهو بيرحمني بعد ظلم الأصحاب
ياما ترجيتك بهم واجهيني = وياما طلبت تعلميني بالأسباب
لكن عزفتي .. وإن رجعتي تبيني = ما راح أكون الأولي .. خاطري طاب
والشوق لو حرك بقايا حنيني !! = أبقى غريب ومنحسب ضمن الأغراب
وكان الغرام بداخلي معتريني = أخلعه من قلبي مثل خلع الأثواب
تقديري لكرامتي معتليني = مهما عليتي ما وصلتي لها أكعاب
وما دمت خاين !! بأطلبك لا تجيني ؟؟ = إذا عرفتي الظلم للحب وش جاب [/POEM]


وسلامتكم

فيصل العنزي

قصيدة جميلة تشفع غيابك
دمت بخير

الأخ العزيز . . فيصل العنزي




كتبت ما بداخلكـ .. باصدق الحـروف






صـح قلبـكـ حتى ترضـــى ..






لكـ آحـترامــي

صح لسانك

على هذه القصيدة الرائعة

كل الود

أختكـ/شووق