منتديات أبعاد أدبية - سريت بقلبي الهايم

سريت بقلبي الهايم -------- لدنياتك يـ بنت الجود
خذاني الحب وانا حايم---على الذكرى قبل لصدود
ببحرك غارق وعايم--------ويهملني وانا موجود
ودمعي بالهطل دايم--------ودمعك بالهوى مفقود

قليبك للحزن صايم----------وقلبي به غدا مولود
وجوك ممطر وغايم-----وجوي بس برق ورعود
أخذتي كل لغنايم-------وباب الرزق علي مسدود
ولاني غافي أونايم--------وكل الناس يمي رقود

وللعذال أنا قايم-----------يشوفوني وانا مقصود
وكلن عاتب ولايم-----------وكلن يعطي المنقود
لفوني صاحب جرايم------وانا في عفتي محسود
ليشني نلت لعزايم----------وعزمي ماتحده حدود

اسيبك لا ولا رايم---------اضحي بحبي المنشود
ترك في وجهي علايم------من الشلات والتغرود
يزوِّد فيني لنسايم ------- يقول الحب بديك قيود
ولاتسلِّم للهزايم------------تراك تفوز يامحمود