|
[ يوميات إعلامية في المطبخ ]
اليوم الأول :
قررت في هذا الشهر الفضيل أن أثبت للجميع أني طباخة ماهرة قلت في خاطري عيب أكون إعلامية أد الدنيا وطباخة فاشلة << مصدقه عمرها إعلامية أد الدنيا أأل .. فأول شي سويته دورت في مكتبتي على كتب الطبخ :) أنا أعرف اطبخ مرة تصيب ومرة تخيب مرة العيش يصير مضروبه ومرة اللحم يصير مطاط ومره الدجاجة محترقة بس الحياة تجارب ومافي أحد أنولد وهو عارف كل شي ومع الأيام بيتعلم يعني كم طبخة تحترق وبعدين تصيب :) المهم لقيت كتاب الطهي لعايشة التميمي صاحبة القلب الأبيض والانامل اللذيذه اللي يشوفني لحظتها كأني لاقيه كنز عظيم وأنا اتصفح الكتاب لقيت الشي اللي انا احبه موت وهو [ اللقيمات ] و تسمى عوامات ويامكثر الاشياء اللي في حياتنا اليومية عايمة وماشية على البركة.. أو لقمة القاضي وياما قضاة من أجل تحقيق العدالة مب لاقين لقمة ياكلونها .. طبعا شفت المقادير وركبت سيارتي على أقرب سبورماركت اشتري منه ورجعت البيت وصرت أمشي على الخطوات خطوة خطوة وعقبها قعدت اراقب العجينة وهي تنتفخ في لحظتها تذكرت أن هناك العديد من المشاكل تكون صغيرة وتتضخم مع زيادة جرعة وسوسة الشيطان أو في تدخل أطراف آخرين .. وأحيانا احنا نضخم الأشياء البسيطة ونعطيها أكبر من حجمها .. وأحيانا إعلامنا يعطي الشي أكبر من حجمه وينفخه لين مايوصل حد الانفجار .. انتفخت العجينة .. وحضرت القلايه وحطيت الدهن بس واجهتني مشكلة عظيمة .. أنا ماعرف أكور اللقيمات :( حاولت وحاولت ومافي فايدة .. بس شوفوا شاللي طلع معاي http://up2.al-qatarya.org//uploads/i...b857b6560c.jpg |
اليوم الثاني :
اليوم قررت اسوي [ مجبوس لحم ] طبعا تتبعت الخطوات اللي قدامي بحذافيرها بس في نهاية الطبخة المجبوس صار مضروبه .. والله لحظتها حسيت بغصة واخنقتني العبرة .. احساس الفشل مر في حلقي .. شلون الطبخة تخترب وانا اتتبع الخطوات .. مادري ليش حسيت بدمعتي تخوني وتذرف بدون استئذان مثل الدنيا تسعى فيها وتفاجئك بشي غير متوقع مثل لما اعطي شغلي وقتي وصحتي وابديه حتى على نفسي ويجيني بكل برود يقولي على شنو اقيمج الكلمة ترن في أذني من يومها معقوله ماسويت شي يستاهل أنهم يقيموني عليه !!!! تعطي وتعطي وفي الاخير ولاشيء .. المهم ايش بنتفطر عليه ؟ :( ملاحظة : الصورة غير صالحة للنشر :) |
اليوم الثالث : ياااااااااااااااالله ياني مستانسه اليوم طايره طايره من الفرحة قولوا : ليش ؟ أنا أعلمك .. :) أول شي لأني أول مرة أسوي معجنات وتضبط معاي وثاني شي قرة عيوني بشوفة أغلى أن سان عندي بهالوجود :) الله يخليه لي ولا يحرمني منه يارب نرجع حق موضوع [ المعجنات .. ] في كل مرة اعجن الله لايوريكم شيصير فيني ما اقدر أقولكم لأن حالة اللي أكون فيه ماتتشاهد والمطبخ تقولوفجرة فيه دناميت ( ويه مستحي ) بس طبعا هالمرة طلبت مساعدة صديقة ومو أي صديقة هذي حبيبتي نور وعطتني المقادر .. شعور غريب غمرني وأصابعي تلامس العجينة العجينة مثل الدنيا بالضبط الإنسان يشكليها مثل مايبي أذكر أني قريت كتاب [ السر ] تقول مؤلفته ان الإنسان هو اللي يجذب الأشياء الإيجابية لنفسه وفي المقابل أيضا هو المسؤول عن جذب الأشياء السلبية يعني الدنيا تمشي على قانون الجاذبية .. يعني لما تفكر وتقول في نفسك أن بسوي حادث انا بسوي حادث يصير لك فعلا حادث بعيد الشر .. والعكس .. غمضوا عيونكم بعد غمضوا يالله عاد :) http://up2.al-qatarya.org//uploads/i...1a78ceaea7.jpg :) |
اليوم الرابع :
[ برياني دجاج ] تعبانه وايد مالي خلق أكتب لكم شاللي صار معاي بس شوفوا الصوره ( وجه طايح من التعب ) http://up2.al-qatarya.org//uploads/i...9b83532fa3.jpg |
بريد القراء
اقتباس:
أذا الله أحياني لين رمضان الجاي بكون طبعة موسوعة في الطبخ :) |
اقتباس:
أكيد تقصد اللقيمات صح أم عبودي ؟ |
اقتباس:
|
| الساعة الآن 11:21 PM |
Powered by vBulletin® Copyright ©2000 - 2024, Jelsoft Enterprises Ltd.