منتديات أبعاد أدبية - عشق الغيد / جديدي لكم

بسم الله الرحمن الرحيم
السلام عليكم ورحمة الله
احبتي اعضاء هذا الصرح الجميل
صباحكم/مساكم سعادة
يسعدني ان اطرح لكم جديدي (( عشق الغيد )) والذي اتمنى ان ينال رضاكم وان ينال ذائقتكم المميزة دائماً ...

مدخل :

صباح الخير
والخاطر...
يقولوا بخير..
صباح الورد
يتعدى
رضا التعبير..
وينقش
ذاكرتنا اليوم
يقولوا
مثل جدهـ غير
بها فرحة
وفيها آآآهـ
بها نبض السوالف تاهـ
وبها حزن وألم وانفاس
وفيها روح
ما تخرج عن الأقواس
ومنها أشواق
فاقت روعة الإحساس
وياليته .. بدون قياس
حتى...
ينتهى التأثير
صباح الخير
والخاطر
يقولوا بخير
صباح الخير
صباح الخير...
**********
صباح الخير
ياروعة
بها تبذير
صباح الخير
يا فرحة لقاء وعتاب
لها ضحكة ورى الأبواب
لها شمعة
تنور فرحة الأحباب
لها خطوة
تَمرُّد عن أصالة عُرف
لها جملة
تخطت صولجان الحرف
واغظ الطرف اغظ الطرف
واغنى يالحياة ( أغراب )
لوحدي..
وفي وجود اصحاب
حياة الترف
يالخاطر نعيش اغراب
بالدنيا
ومن يدري..
بعد ساعة نموت اغراب
ولا نسمع
من الغالين
صباح الخير
والخاطر
يقولوا بخير
صباح الخير
صباح الخير
*************
صباح الخير
وأَعلنها
جناح الطير
ليا رفرف...
يبي يرقى
ويعلن وكرة الفرقى
وروحه ....
جت بلا تبرير
وكانت ...
من الألم عرقى
وفجأة يصير
كما هي طيرة الورقى
ورد يقول
هنا التحذير
همومه
بالتعب شرقى
ونبضه طاح من يومه
نسى فله ويشمومه
وطاحت كل امالة
ولا يقوى على الحومه
نسى حرفينه الغرقى
بلا تصوير
ولا يذكر
لهم كلمة
ولو كانت
صباح الخير
والخاطر
يقولوا بخير
صباح الخير
ارددها
مع الغالين
هنا كانت
لـ فال الخير
صباح الخير
صباح الخير

(( عشق الغيد ))

[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قلبـي / وقفلتـه بمليـون ضبـه=مالي بنـزوات الصبـا حين سرت
ناصحتها بالطيب لكن مهبـه=نفسي لرب الكون منها تبرت
ياحليلها تنوي فؤادي تشبـه..!!=طاحـت نوايهـا قبالـي وخــرت
حرّمـت مايـغـدي بيـدهـا لعـبـه=دام انها تنـوي عليـه وتجـرت
يكفي غثاهـا بالشراييـن صبـه=وتكفي الليالي بالأماني تحرت
صكيت باب الحب واصك نبه=واقول راحه والدسايس تعرت
خلاص قفلته ولا الشـوق هبـه=اضرب بدقاتـه سواليـف مـرت
فاليوم عشق الغيد كلــه مغبـه=حتـى ولـو قالـت وفيـه وبـرت
لا لا تحـراهـا لـروحـك مـطـبـه=لوضاقت ابعينك جفتك وتـزرت
قلبي يدوزن من حروفه لحبه=كاتب على بابه حياتي وقرت
قرت مع اللي في حلاتـه ولبـه=ابـشرع ربي هالحنايا تسرت
لقيت روحي بين شهـده وربـه=فارويتها شوقي وعيني تغـرت
ياهيه اصحي / واجعليها / منبه=ايه احذري قلبك علومه تطرت
يالله / انتهينا يا ضمـا زاد غبـه=نبعك هماج ولـو سرابه تفـرت[/poem]

مخرج :

وقفة مع نقطة سطر.......................
..............تجعل أمانينا فصول..........
................مثل الحيــــــاة يا للقهر....
........................نبحث ولا نلقى حلــول

شعر

احمد المنتشري
1/12/2011م