..................................

احيان اقول اني معك مثل ظلك
.............واحيان اشوفك ظل دايم تبعنا

اقرب من الانفاس عطرك وفلك
.............وابعد من الاحزان حب ٍ جمعنا

اظماك واشرب ياحياتي واعلك
.............من. منهلك. شهد. المحبه ولعنا!

لو كنت غايب في غيابك أدلك
.............ترحل وتبقى داخل القلب معنا!

هرجك دواء للنفس واللي يملك
..............ماله فكر واحساس مافيك يعنا!

اعرف تفاصيلك واحبك واجلك
..............من بعد رحلة حظنا من رفعنا!

في دولة الأجناب ماهي محلك
.............ولاهي محلي والحياء من منعنا

من دار واحد واضح ٍ من سجلك
.............اغراب ماحدٍ فالمدينه نفعنا!

شفتك وحيد وتنتظر من يقلك
.............في بهو فندق بعدها ما انقطعنا

رفعت قدرك فالخطأ ما استزلك
..............واليوم حنا للوطن قد رجعنا!

ساعة وداعك منشطر قلب خلك
.............عيني في عينك والمدامع وجعنا!

لوقلت كلي يتبعك وانت كلك
.............بالقلب حاضر لكن اليوم ضعنا


محمد الثوعي

يلعب عليك ابليس لعب الوراعين
نوب ٍ يسندبك ونوب ٍ يحدّرك

ابليس ضدك يكره الحق و الدين
وانته مطيه وردك من يصدّرك

تزعل وتبطش دون فكر ٍ وتبييّن
تقطع قريبك يقطعك من تودّرك

لوكنت من قوم العطاء والملايين
لا شانت الا خلاق محدن يقدّرك

الناس تبعد عنك ماهم براضين
فعلك من اقلوب الاوادم يندّرك

عايش بنعمه وانت لك مذهبٍ شين
ضيقت بال اللي معك من تكدّرك

لوعشت عمرك بين قصر ٍ ونهرين
يا الادمي كثر النعم لا تخدّرك


محمد_الثوعي

جديد

ممنون كلي بعد والنفس لك شاكره
عطيتني درس واحد في زمنّا صحيح


في موقف ٍ بالعمر. لازلت. انا فاكره
اللي انكوى بالغدر ياناس قلبه جريح


من ينتظر حل ما يلقاه في باكره
يموت حلمه مع الايام ماله نصيح


ناس ٍ كريمه وناس ٍ بالفعل ماكره
تظهر وجيه ٍ خبيثه في قناع ٍ مليح


نزلت في وادي ٍ مجهول انا ناكره
صوت الحيايا سمعته. بالمسا له فحيح


اللي وقف في طريقي اليوم باعاكره
القلب صامل وراس العز لا مايطيح


من قال هذا الشعر مجنون من حاكره
ليته درا عن جروح ٍ في ضميري تصيح


اشياء كثيره صور محفوظه بالذاكره
وابيات شعر ٍ كتبته بالنبط والفصيح



محمد الثوعي

تجمل .كلها ..يومين ..ابقعدها .على .اعصابي
والملم ..باقي .أوراق .الغلا .وارحل .بلا رجعه

ابد .ما يزعجك .صوتي. تركت .اللوم .وعتابي
عليك .العين .ماتحزن ..ولا .تذرف لك. الدمعه

بداية.. حبنا ..ليلة ...فرح .. والشوق ..غنّابي
حضنتك حب في صدري قبل .ماتوقد الشمعه

تصورتك .عكس . ماصار ..كان .الفخر يزهابي
خساره من. زرع . في ديرة ٍ ..غبرا.. ومنقطعه

عبث..ادفع رصيد. الحب .من. فاتورة حسابي
ظهر وجه ..الحقيقه ..مايفيد ..الشكل واللمعه

لقيت ان .الوفا .كذبه .ضحك .وجهك وحيابي
ولكن .عشت .معك .العمر بالحرمان .والخدعه

اعاتب .من ..اعاتب ..في .زمنا صرت .متغابي
اشوف ان العتب ينقص. من .المقدار والسمعه

قسى ..قلبي .مثل قلبك. بوجهك .ينقفل بابي
ماعاد..افتح .لك. ابواب ..المحبه مابها طمعه

كذا حظي. .ولا مره صدق .واحد. من. احبابي
عطيت ولا لقيت. الا التعب .واحزان .مجتمعه

رحلت .ولا رحل. غير..الوفاء .واشعار .بكتابي
وذكرى ..الغدر واحزاني .ترى بالقلب منطبعه


محمد_الثوعي

اجيك انا ..مشتاق واروح مشتاق
قربك مثل بعدك.ونفسك شحيحه

لاصار مالك.. قلب ...للحب ذواق
مالك ومال اهل القلوب الجريحه


محمد_الثوعي

ابيات كتبتها فوريه لقبيلة بالحارث ميسان!

جمرة عرب لاثار بالجو دخان
الفعل واضح والهقاوي كبيره

اهل الثلاث البيض قول ٍ وبرهان
تاريخ يذكر والليالي عسيره

الضيف يكرم عند ذربين الإيمان
والجار من دونه سيوف ٍ شطيره

بالحارث ربع ٍ للوغا دون الاوطان
اللي يصدون الخيول المغيره

يوم الملاقى شلف والسيف شامان
خاضوا المعارك والطويله قصيره

شجعان في كل الميادين فرسان
ياطيب من جاب العلوم السفيره

نرفع له الرايه على طول مابان
واجمل تحيه للرجال الشهيره

صلاة ربي كثر همال الامزان
على النبي المرسول للناس خيره

محمد_الثوعي

رد في حينه ومتواضع وتستاهلون اكثر!

ولا عليكم زود يا راع الالحان
انتم عسير الهول فيذا الجزيره

اهل شجاعه ونعم ابكل ميدان
الفعل كايد والمواقف مثيره

عسير هول ايهابها الانس والجان
وافعالهم بين القبايل منيره

عسير اهل مبدأ واهل سمن وسمان
عاداتهم دايم بنفس الوتيره

عسير مافيها عسيرٍ هل لسان
حكمة رزانه واهل سيف وذخيره

بدون نقصٍ فالقبايل هل الشان
اهل الكرم والطيب في كل ديره

الشكر والتقدير لك يا كحيلان
يا راعي الشعر الجزل وانت أميره

وصلى الله وسلم على نسل عدنان
عداد ذرات الليالي المطيره


✍️عبدالرحيم النوفلي الحارثي

جات المشاعر بالشعر مختاله
تقبل على بيض الورق خيّاله

والشعر ياعالم رفيع القامه
عند الذي بالفكر يبني حاله

ماحرّك الاحساس .. قول ناظم
ماغاص في عمق البحر واهواله

من يبتكر فكره واجاد المعنى
يكتب شعر والمجد من يبراله

شاعر تغنّى بالقوافي وأطرب
والشعر دايم مبدع ٍ بارساله

ماخاب شاعر في المشاعر غرد
في سبك قافه ما حد ٍ يرقاله

يبقى رفيع القدر باعلى منزل
شامخ ولا ينزل كبير القاله


*محمد الثوعي*