|
&& بدر الحنيف && تعـــــــال جاي
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ما ينربط قدر الرجل يا بدر بعلوم القصيد = لو له قصايد من وزن بقعا وثقل جبالها
الشعر قالته .. الحريم .. وقيل من نظم .. العبيد =مافيه زود ٍ .. للرجال اللي .. تشوم أفعالها مابين كلمة ( شاعر ) .. وكلمة ( رجل ) .. فرق ٍ بعيد=ما كل شاعر .. يعتبر رجال .. ضمن إرجالها وصحيح !! .. انا شاعر .. ولكن .. ما اقول إني فريد= اللي يبيني ينشد .. ويلقى العلوم وفالها أتعب على قولة ( رجل ) .. وأزيد لين أتعب وأزيد = ما ياصل الجم العميق .. إلا طويل حبالها لكن !! .. مدامي مقدر ٍ نفسي .. وفي رايي سديد = يحق لي قول القصايد .. وافتخر بجزالها وأنا ما اعم الشعر .. واهل الشعر .. وآكرر وأعيد=أخص ناس ٍ للردى .. قامت تبث إرسالها ذولا رجولتهم أشبهها .. مثل .. ( كسرة جليد ) = ماندري بي ساعه يميع بدنيته وأحوالها يغريك في هرجه .. ولكن لا بخنته .. جبت عيد =صدمة عمر !! .. لكنّ .. له لعبه نجح موالها بأفعالهم لدغ الحيايا .. وفكر شيطان ٍ مريد =لكنّ حنا اللي .. ندق الحيّه وحمالها بوجيههم مافيه دم .. وقلبهم نبضه صديد =فعل الرديه غانيه .. رقصوا على خلخالها مخاوين ٍ للردى لا تتخذ .. منهم عضيد= واحد يغني عنها .. واحد غدى طبالها ولو الردى له .. نجمتين وتاج .. في رتبة ( عقيد )= أصير ( جندي ) وما أبي .. رتبة ردى مدهالها وأنا أشوف الطيبه .. بنت ٍ ومربوطه بقيد =والعاقل اللي يفتهم .. ويفك قيد أغلالها الطيبه بنت ٍ مهرها .. سيف مثل إبن الوليد = اللي يبيها غترته .. لازم تحشم عقالها واليوم يا ( بدر الحنيف ) العلم وجّهلك أكيد = دام المهر ويّاك .. وانت الطيبه تسعالها ولنـّـي أشوف إنك رجل .. من عالي القمه تصيد =قبل تصير الشاعر اللي .. بالقصيد أومالها والشعر قالته .. الحريم .. وقيل من نظم .. العبيد =مافيه زود ٍ للرجال اللي .. تشوم أفعالها[/POEM] , , , فواز الزناتي ..........................,, |
يا سلام يا سلام
الله عليك يا الزناتي .. ما قصرت عز الله قصيدةٍ جزله .. من جزل وماهي غريبه على فواز الزناتي .. وبإنتظار بدر الحنيف |
.. العزيز / فواز الزناتي .. أهلاً بك وبما حملت من طيب المعاني مابين كلمة ( شاعر ) .. وكلمة ( رجل ) .. فرق ٍ بعيد ما كل شاعر .. يعتبـر رجـال .. ضمـن إرجالهـا وصحيح !! .. انا شاعر .. ولكن .. ما اقول إني فريد اللـي يبينـي ينشـد .. ويلقـى العـلـوم وفالـهـا من يعرف الزناتي يدرك أنه جمع الرجولة والشعر واليوم يـا ( بـدر الحنيـف ) العلـم وجّهلـك أكيـد دام المهـر ويّـاك .. وانــت الطيـبـه تسعالـهـا ونعم الرجل بدر الحنيف .. بانتظار صدى هذا الصوت أرق التحايا لقلوبكم .. |
اقتباس:
قلت الكثير الكثير مما يدور في نفسي عن الشعر وأهله ونظرة البعض للشاعر على أنه فووووووق ، فووووق ، فوق هام السحب:) فواز نص قرأته بمتعهــ ، وفرح ،، وشكر لك دمت بود |
اقتباس:
فواز ....... فوااااز لندعها تكرر حالها .......... كل مافيها فاق التصور صح لسانك وليس لي مكان هنا ........ اسمح لي بالرجوع لها ..... دمت بخير |
فواز الزناتي الرجل الشاعر ومليون نعم يالبناخي وعزالله انك اسندت يوم اسندت صوت ملئ بالجزالة من شاعر ٍ امتطى الجزالة فابدع بقصائده .. لشاعر ٍ عرف عنه الحكمة والجزالة الشاعر بدر الحنيف ونعم والله بابو غثيث وانا بانتظار الصدى من ابو غثيث وعزالله انك ماقصرت واسندت يوم انك اسندت فنعم الساند ونعم المسنود اليه وصح السانك الى مالانهاية ولاعدمتكم من الوجود |
نص رائع كروعتك
سلمت يمينك ولك مودتي أختكـ/شووق |
والشعر قالته .. الحريم .. وقيل مـن نظـم .. العبيـد
مافيـه زود ٍ للرجـال اللـي .. تـشـوم أفعالـهـا صدقت يافواز صح قلبك |
| الساعة الآن 01:39 PM |
Powered by vBulletin® Copyright ©2000 - 2024, Jelsoft Enterprises Ltd.