المشاركة الأصلية كتبت بواسطة فهد عواد (المشاركة 89938)

[POEM="font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سل الزمن سيفه بوجهي ( ينواف )=وأنا نطحته نطح .. ماني مسايف
حفظتلي حكمه .. وسوت بي إسراف=تقودني للقاف لأقفيت عايف
عيبٍ عليّ أرجع وألوبد بالأطراف=من عقب مابينت فوق النوايف
ولأن الورق ميلاف .. والحبر ميلاف=وبيوت شعري في يديني عسايف
يفزّ لاجيته .. ولأقفيت ماعاف=بيني وبينه مثل ولف الولايف
دونت في شعري بطولات الأسلاف=ورسمت درب الطايله .. للخلايف

.


نواااف ..يانوااف .. كلّ اللذي طاف =يرسم على وجه البطاله .. وظايف

.

بيروت ماصارت - وأنا آخوك - مصياف=لولا ( البراد ) .. ونابيات الردايف
في هالزمن .. متساويه جلّ وعجاف!!=بيض الصفايح .. مثل .. سود الصحايف

الله يبيّض وجه معطين الأسلاف=لولاهم العيشه علينا .. كلايف
مابيّن اللولو .. على كثر الأصداف=والجوع .. ماقدّر غياب الرغايف
والجيب .. والبي إم .. والبنز .. والهاف=عنهن عسفت الناحلات النحايف
يضيق صدري صحّ .. بس مابي خلاف=مادااام لي ذكرٍ مع الناس نايف
يطري عليّ شطرٍ حفظته ( لصياف )=وصياف شاعر .. مايجيب العجايف
ماجيت أبي من هالزمن .. غير الإنصاف=مابي إمااااره .. ( ياملوك الطوايف )


.

يامسندي .. لاشفتني فوق مشراف=تراي أهل من الدموع .. الذرايف

.

لأن الزمن خوان .. وقلوبنا نظاف=قمنا نتخضعله مثل مأنت شايف



.
أصبحت أمثل دور مذعن .. وخواف=وأنا .. ورب البيت .. مانيب خايف
ماهز راسي عشق .. ترفات الأعطاف=بيض الخدود محمّرات الشفايف
ماشد عيني غير .. من زينهن ناف=شعل البكار .. ملاعبات السفايف
اليا أدبرن .. كن الثرى يرجف ارجاف=واليا أقبلن .. مثل العلوم الطرايف
والدار يانواف .. بحرٍ بلا اضفاف=نادابها ( معزي ) بحدبٍ رهايف
اليا تزاحمها ثقيلات ... وخفاف=نصير مثل الجنّ .. بأرض العفايف
سودا على اللي يدفن الراس .. بلحاف=لا زغردن البيض .. لعيون ( نايف )[/POEM]